18 ноя 2015 09:18Тоҷикистон / Иҷтимоӣ

Синдроми хоби абноӣ: Иқдоми нави профессор аз Хюстон дар беморхонаи Ибни Сино

Маркази матбуоти Бемористони Ибни Сино

14 ноябр дар Бемористони Ибни Сино конфронси навбатии тематикӣ дар мавзӯи "Синдроми хоби абноӣ" бо ширкати мутахассиси эронӣ доктор Шарафхона Амир доир гардид. Доктор Шарафхона Амир професори Донишгоҳи давлатии иёлати Хюстони Тегзоси ИМА буда, дар баробари ин сарварии бахши беморҳои хоб ва бемориҳои шуши бемористони Хюстонро низ ба ӯҳда доранд. Доктор Шарафхона дорои дараҷаи тахассусии тиббӣ дохилӣ аз ИМА, дараҷаи тахассусии бемориҳои шуш (пулмонология), дараҷаи тахассусии муроқибатҳои вижа аз ИМА (intensive care) ва дараҷаи тахасусии бемориҳои дар ҳоли хоб (синдроми хоби абноӣ) аз ИМА мебошад. Манзур аз боздиди доктор Шарафхона аз Бемористони Ибни Сино ифтитоҳи бахши баррасиҳои хоб дар бемористон буд ва музокироти зарурӣ барои шурӯъ ба ифтитоҳи ин бахш бо масъулини бемористон сурат гирифт. Аҳамияти бемориҳои дилу рагҳо ва инсулт дар ҷараёни хоб, бо таваҷҷӯҳ ба пешрафтҳои ба даст омада, дар заминаи бемориҳои дил ва рагҳо дар ҷараёни хоб дар ду даҳаи охир, зарурати таъсиси маркази баррасии бемориҳои дар айни хоб ва фароҳам кардани имконоти табобати ин бемориҳоро тақозо мекунад. Бемориҳои дар айни хоб (синдроми хоби абноӣ) дар ҳудуди беш аз 85% беморони дучори фишори хун, фибролятсияи даҳлезӣ, фарбеҳӣ, диабети қанди навъи 2 юм, импотенсия ва шуш вуҷуд доранд. Мавзӯи мазкур комилан нав буда, барои беморони мазкур аҳамияти вижа дорад. Дар ҷараёни ин беморӣ роҳҳои ҳавоӣ яъне ной дар айни хоб ба сурати давораи баста мешавад ва ба коҳиши сатҳи оксиген дар хун сабаб мегардад. Барои мисол сатҳи оксигени хун аз 95% и ҳолати оддӣ ба камтар аз 50% мерасад. Камбуди оксиген ҳангоми хоб дар навбати худ боиси тез задани дил, тахикардия ва афзудани фишори хун мегардад. Ин ҳолат боиси болоравии фишори зиёди хун, норасоии кори дил, оритмияҳои қалбӣ, пайдоиши диабети қанд, бемории шуш ва норасоии ҷинсӣ дар мардҳо мешавад. Дар кӯдакон вуҷуди ин ҳолат боиси коҳиши рушди ҳуҷайраҳои мағзӣ мегардад. Барои ташхиси ин беморӣ бояд беморон ба муддати ҳадди ақал як шабонарӯз мавриди муоина бо анҷом додани тести хоб қарор гиранд. Бо анҷоми тести хоб мушаххас мешавад, ки оё бемор дучори хоби абноӣ ҳаст ё не. Агар бемор дучори хоби абноии шадид ё миёна гашта бошад бояд таҳти дармон қарор гирад. Дармонҳои мавҷуд анҷоми бархе дармонҳои дандонпизишкӣ ё дармони қисмати ҳалқро дар бар мегиранд ва дар бештари маврид дармони ин беморӣ бо истифода аз дастгоҳи CIPAP ё BIPB анҷом дода мешавад. Беморон бо истифода аз ин дастгоҳ аз мушкили боздошти нафаскашӣ (вақфаи танаффусӣ) раҳо шуда, норасоии кори дил, диабет, фишори хун, норасоии ҷинсӣ, бемориҳои шуш дар онҳо дармон меёбанд ва қудрати тафаккур ва тамаркузашон дар тӯли рӯз беҳбуд меёбад. Илова бар ин, чун ин дармон муҷиби коҳиши хоболудагӣ дар айни рӯз мегардад эҳтимоли садама дар натиҷаи тасодуфоти ронандагӣ ва мушкилоти дигар кам мегарданд. Дар кӯдакон низ ин дармонҳо мӯҷиби беҳбудӣ ва рушди мағзии онҳо мегардад. Дар боздиди доктор Шарафхона ва дар суханронии эшон дар Бемористони Ибни Сино ва Беморхонаи марказии Қарияи Боло маҳз ин мавзӯот мавриди баррасӣ қарор гирифтанд. Ҳамчунин барномаи лозим барои роҳандозӣ ва таъсиси маркази хоб дар Бемористони Ибни Сино, таҳияи васоили зарурӣ барои дармон ва ҳамчунин роҳандозии бахши бемориҳои шуш, дар ояндаи наздик мавриди баррасӣ қарор гирифтанд.

Мӯҳр

Хабарҳои монанд:

Sukhandon

Ozodagon dar hamiqadar jiy chand sahve karded????
Донишгоҳи давлатии иёлати Хюстони Тегзоси ИМА буда........
Savol Shumo baroi chi klinikai shakhsiro hamesha reklama mekuned???

Ҷавоб диҳед Иқтибос Шикоят

Зайнидин

Синдроми хоби абноиро илтимос ба руси тарчума карда теетон!

Илтимос хамин "синдроми хоби абнои"-ро ба руси тарчума карда теетон! Зарур.

Ҷавоб диҳед Иқтибос Шикоят

aimosy

Синдроми хоби абнои - Cиндром сонного абноя!!!!!!!!!!!!!!!!!!!!!!!!!!!!!!!!!!

Ҷавоб диҳед Иқтибос Шикоят

Эзоҳ илова кунед