Русия полки тирандози 149-ро аз Кӯлоб назди Душанбе овард
Вазорати дифои Русия мегӯяд, полки тирандози савораи 149-и пойгоҳи 201-ро аз шаҳри Кӯлоб ба тамрингоҳи Лоҳури назди Душанбе кӯчонд.
Тибқи иттилои Ярослав Рошупкин, сухангӯи ҳавзаи марказии ҳарбии Русия, ки пойгоҳи 201 тобеи он аст, кӯчондани полки 149 ба 25 километрии ҷануби Душанбе ба теъдоди низомиён ва ҳадафи пойгоҳи 201 таъсире нахоҳад дошт. Гуфта мешавад, шаҳраки низомии пойгоҳ дар Кӯлоб ба мақомоти тоҷик дода хоҳад шуд.
Манобеи “Озодагон” иттилоъ доданд, ки интиқоли техникаи ҳарбии пойгоҳи 201 зери тадобири шаддиди амниятӣ чанд рӯзи охир ҷараён дошт.
Қаблан Вазорати дифои Русия эълон кард, ки дар фурудгоҳи Айнии назди Душанбе чархболҳои зарбазани Ми-24П ва ҷангӣ-нақлиётии Ми-8МТВ-ро ҷойгир хоҳад кард. Пойгоҳи 201 калонтарини воҳиди хушкигарди Русия дар хориҷ аз он мебошад, ки беш аз 7 ҳазор низомиро дар бар мегирад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |