23 ноя 2015 17:33Оcиёи Марказӣ / Тоҷикистон

Сафорат: Аз номи мо дар Маскав ҳуҷҷатҳои қалбакӣ мефурӯшанд

Сафорати Тоҷикистон дар Русия мегӯяд, вақтҳои охир шахс ё гуруҳҳои ҷиноятпеша аз номи Хадамоти консулгарии сафорат ба ивази маблағи муайян барои шаҳрвандон ҳуҷҷатҳои қалбакиро таҳия мекунанд.

Сафорати Тоҷикистон, имрӯз, 23 ноябр бо пахши як иттилоия шаҳрвандони кишварро ба эҳтиёткорӣ даъват намуда, таъкид намудааст, ки афроди ҷиноятпеша аз ҷумла “Шаҳодатномаи бозгашт ба Ватан”, санади тарҷумаи шиноснома, шиносномаи дохилии шаҳрванди Тоҷикистон ва ҳатто шиносномаи хориҷии биометрии қалбакиро дар қаламрави Маскав таҳия карда, фурӯхта истодаанд.

Ин ниҳод ҳушдор додааст, ки ин амали ҷинояткорон бар асоси моддаи 327-и Кодекси ҷиноии Русия ҷавобгарӣ дорад ва бо дархости сафорат феълан мақомоти Русия ба таҳқиқи ин ҳодисаҳо шуруъ кардаанд. Сафорат аз шаҳрвандоне, ки дар мавриди таҳиягарони асноди қалбакии Тоҷикистон иттилоъ доранд, даъват намудааст, ки тариқи рақамҳои 8 (495) 690-38-46, 8 (495) 690-41-86 ба намояндагии Тоҷикистон хабар диҳанд.

Мӯҳр

Хабарҳои монанд:

Сироҷдин

ин узри бадтар аз гуноҳ аст
агар як ҷинояткор тавонад ба осонӣ “Шаҳодатномаи бозгашт ба Ватан”, санади тарҷумаи шиноснома, шиносномаи дохилии шаҳрванди Тоҷикистон ва ҳатто шиносномаи хориҷии биометрии қалбакиро созад ва фурушад пас ВОЙ БАР ҲОЛИ сафорату давлату давлатдорӣ бо ин сатҳи пасти амниятии санадҳои муҳимаш
як шиносномаи биометри 100 т 150 доллар аст пас чаро инкадар бе кайфият аст, ки ба осонӣ нусхаашро ҷинояткорон месозанд

Ҷавоб диҳед Иқтибос Шикоят

Анвар

Мухтарам коргарони Сафорат шумо ки маблагхои ин аснодро мувофики нархи давлатиаш фурушеду да вакташ ба шахрвандон аснодро пешкаш кунед касе аз пайи асноди калбаки нахохад шуд. Хади акал каме хам бошад дар бодояш то 50% монед кифоя охир анкадар чабру ситамам недаа. Боз коратон факат гилла куни.

Ҷавоб диҳед Иқтибос Шикоят

мухочир

Ин чи дахшат?!!!!Ки нони сафоратро нимто кард?!!!!)))))))))))))

Ҷавоб диҳед Иқтибос Шикоят

Саид

Кори мардуми бечораро буд кунед, дар доми чинояткорон наафтанд! Барои як хучат хафтахо дар пушти даратон меистанд ва аз ин бемасъулиятии шумо дигарон истифода мекунанд!

Ҷавоб диҳед Иқтибос Шикоят

Абдуллоҳи Иззом

Аз номи сафорат касе намефурушад ин худи сафоат ин гуна ҳуҷатҳоро мефрушад вашояд ҳам савдои инҳо кам шудаст аз ҳамин сабаб инҳо фикр карданд ки касе дигаре мефурушад ҳуҷҷатҳо ро

Ҷавоб диҳед Иқтибос Шикоят

Сиёвуш

Мардуми бечора дигар чи кор кунад??? Сафорат ба бозори Корвон мубаддал гаштааст!!! Хатто кормандони Сафорат нисбат ба точикон тундрафторанд! Вакте, ки ман ба Сафорат барои хуччати бозгашт ба ватан рафтам - он чи ки ман дидам ногуфтанист. На тартибот! На интизом! На хурмат! На эхтиром! --- аниктараш савдо миёни мигранти бечораю саргардон ва кормандони бе аклу, фаросату, одобу, дониши сафорат!!!
ШУМО МАРДУМРО МАЧБУР КАРДЕД, КИ АЗ ДИГАРОН ОН ХУЧЧАТХОРО ХАРИДОРИ НАМОЯНД!!! МУХТАРАМ САФОРАТЧИХО НАФСРО НИГАХ ДОРЕД! ХУДО КОДИР ВА ТАВОНОСТ! АЗ МАРДУМ ХУДАТОНРО БОЛО НАГИРЕД - ДЛЯ РУССКИХ МЫ ВСЕ ...!

Ҷавоб диҳед Иқтибос Шикоят

daresh

Чи фарқ дорад, ки ин ҳуҷҷатро аз Шумо харанд ва ё аз ин гурӯҳ? Баръакс аз ин гурӯҳ харидан манфиаташ беҳтараст,зеро вақти бисёрро талаб наекунад.

Ҷавоб диҳед Иқтибос Шикоят

терчой

агар худи сафорат бюрократия ва порагириро дар ин самт хотима диҳад ҳоҷат ба фурӯши асноди қалбакӣ намемонад. танҳо порагирии кормандони консулгарӣ ва сафорати Тоҷикистон дар РФ сабаб шудааст, ки чунин омилҳо сар зананд.

Ҷавоб диҳед Иқтибос Шикоят

Эзоҳ илова кунед