"Биёву бубар" баргузор гардид!
Маркази матбуоти Бемористони Ибни Сино
Дар таърихи 5.12.2015 аввалин бозии бурдноки аксияи "Биёву бубар" доир гардид. Ногуфта намонад, ки ин бозии бурднок ҷузъи барномаҳои бурдноки суғуртаи тиббист, ки ташкилоти "Суғуртаи миллӣ" пешкаши мизоҷони эҳтимолии худ гардонидааст. Дар ин аксия дорандагони полисҳои суғуртавии ду баномаи нави ин ташкилот "Классика" бо пардохти суғуртавии 160 сомонӣ ва "Нуқрагӣ" бо пардохти суғуртавии 260 сомонӣ ширкат варзиданд.
Бояд гуфт, ки ин иқдоми "Суғуртаи миллӣ" дар кишвар бесобиқа буда, ҳадафи аслии он ҷалби бештари таваҷҷӯҳи мардум ба суғуртаи тиббӣ мебошад. Таҷрибаи ҷаҳонӣ нишон медиҳад, ки имрӯз суғуртаи тиббӣ роҳи аз ҳама босамари ба танзим даровардани бозори хизматрасониҳои тиббӣ дар кишвар ба шумор меравад. Ва баргузории ин гуна иқдомҳо метавонад мардумро аз ҳадафҳои аслии суғуртакунии тиббӣ огоҳ намояд. Барои таъмини шаффофият аксияро комиссияи ҷамъиятӣ, ки аз миёни худи муштариён интихоб гардида буд, назорат мекард. Дар бозии бурдноки аввал ду шоҳҷоиза бо маблағи 5 000 ва 10 000 сомонӣ ва ҷоизаҳои дигар мавриди бозӣ қарор гирифтанд. Бозии аввали аксияи "Биёву бубар" дар фазои эҳсосоти интизорӣ, шавқу завқ, тааҷҷуб, табассум ва таманниёти самимонаи ғолибон баргузор гардид ва рӯҳияи болида барои тамоми рӯз ба иштирокчиёнаш ато кард. Билохира шоҳҷоизаҳо ва ҷоизаҳои дигари аксия соҳибони худро пайдо намуданд.
Ғолиби шоҳҷоизаи пулии барномаи "Классика", ки аз 5 000 сомони иборат буд, Фозилов Олимҷон (рақами телофонаш 93 459 3219) ва ғолиби шоҳҷоизаи барномаи "Нуқрагӣ" бо маблағи 10 000 сомонӣ Ҳамроев Саидаҳмад (тел.92 947 1011) гардиданд. Ғолиби шоҳҷоизаи асосӣ Ҳамроев Саидаҳмад дар сӯҳбати телефонӣ ба мо иброз намуд, ки хабари ғолиб гардиданашро дар бозии бузкашӣ мешунавад. Вақте ба ман занг заданд, ман дар маъракаи бузкашӣ қарор доштам ва росташ аввал фикр кардам, ки касе бо ман шӯхӣ мекунад. Аммо баъд ба ёдам расид, ки дар ҳақиқат полиси суғуртавии барномаи "Нуқрагӣ" ро аз ташкилоти "Суғуртаи миллӣ" харидорӣ намуда будам. Ба хона шитофтам ва ин хабарро ба иттилои хонаводаам расонидам. Аҳли оила ҳам баъзе бовар мекарданд ва баъзеи дигар мегуфтанд, ки касе бо ту шухӣ мекунад. Баъдан бо машварати ҳамагони қарор додем ба "Суғуртаи миллӣ" занг занем ва дар он ҷо тасдиқ карданд, ки воқеан ман 10 000 сомонӣ бурд намудаам. Ман мехостам ба тамоми дастандаркорони ин иқдом ташаккури худро баён кунам ва дар фаъолияташон комёбиҳо орзӯ намоям. Пулҳои буридаамро низ мехоҳам тавре масраф намоям, ки хотираи ҳамешагие аз "Суғуртаи миллӣ" бароям боқӣ монад.
Лозим ба ёдоварист, ки иқдоми "Суғуртаи миллӣ" идома дорад. Ҳар сокини Тоҷикистон бо харидории полисҳои суғуртавии яке аз се барномаи «Классика», «Нуқрагӣ» ва «Тиллоӣ» на танҳо саломатии худро барои як сол суғурта мекунад, ҳамчунин дар чанд аксияи бурднок иштирок намуда, имкон хоҳад дошт, то яке аз 9 бурди молӣ ва ё шоҳҷоизаҳоро ба маблағи 5 000 , 10 000 ва 20 000 сомонӣ бурд намояд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |