Дастури Додгоҳи Аврупо ба Русия барои истирдод накардани Сулаймонова
Додгоҳи Аврупо оид ба ҳуқуқи инсон ихроҷи шаҳрванди Тоҷикистонро аз Русия ба Ватан манъ кардааст. Аз ин табааи Тоҷикистон Замира Сулаймонова ном бурда мешавад ва ба иттилои созмони ҳуқуқи башари “Мемориал” ӯ дар Тоҷикистон бо иттиҳоми узвият дар созмони мамнӯи “Ҳизб-ут-таҳрир” мавриди пайгард қарор дорад.
Додгоҳи Аврупо оид ба ҳуқуқи инсон ба Русия дастур додааст, ки шаҳрванди Тоҷикистонро на ба кишвари худ ва на ба кишвари сеюм истирдод накунад. Ҳамчунин додгоҳ Хадамоти муҳоҷирати Русияро муваззаф кардааст, ки ба Сулаймонова ва се фарзандаш паноҳгоҳ бидиҳад.
Замира Сулаймонова дар баёноташ гуфтааст, узви “Ҳизб-ут-таҳрир” нест. “Мемориал” мегӯяд, таъқиби хонум Сулаймонова соли 2003 дар Тоҷикистон замоне шурӯъ гардид, ки шавҳараш -- Фаҳид Сулаймонов аз сӯи мақомоти тоҷик мавриди бозҷӯи қарор гирифт. Соли 2006 Сулаймонов огоҳ мешавад, ки дар пайгарди қонун қорор дорад ва ҳамроҳ бо ҳамсараш ба Русия меравад. Соли 2010 Фаҳид ва як сол баъд Замира аз ҷониби мақомоти Русия боздошт мешаванд. Додситони кулли Русия соли 2011 ба далели гузаштани муҳлати парвандаи оилаи Сулаймоновҳо аз истирдоди онҳо ба Тоҷикистон худдорӣ мекунад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |