Нахустҷаласаи саҳҳомони «НБО-и Роғун» дар Душанбе

Ҷаласаи аввалини саҳмдорони ҶСК  «НБО-и Роғун» дар Душанбе баргузор мегардад. Тавре ба хабаргузории «Озодагон» аз шӯрои нозирон ин ҷамъият иттилоъ доданд, нишасти мазкур  рӯзи 26-уми майи соли равон дар «Кохи Ваҳдат» доир мешавад.

Зимнан, бақайдгирии саҳҳомон рӯзҳои 23-24 май оғоз мегардад. Ин ҷаласа, ки нахустин бор сурат мепазирад, 11-масъалаи марбут ба эҳдосу маблағгузории нерӯгоҳи Роғунро аз қабили: дар бораи ҳисобот оид ба фаъолият ва баҳисобгирии муҳосибавӣ, хулосаи  комиссияи ҷамъиятӣ оид ба назорати харҷи маблағи фурўши саҳмияҳо  ба бахши хусусӣ ва маблағҳои кўмаку хайрияи молию моддии барои сохтмони "НБО-и  Роғун" ҷамъшуда, ворид намудани тағйиру иловаҳо ба оинномаи ҶСК «НБО Роғун»,  оид ба тасдиқи аудитори ҶСК «НБО-и Роғун» ва подошпулии он ва ғайраро баррасӣ хоҳад кард.

Маврид ба зикр аст, ки  рўйхати шахсоне, ки ҳуқуқи иштирок дар ҷаласаро доранд, дар асоси нишондодҳои феҳристи саҳмдорон  ба ҳолати 30 апрели соли 2011 тартиб дода шудааст.

Мӯҳр