26 дек 2015 12:36Тоҷикистон / Дин ва зиндагӣ

Э.Раҳмон: Масҷиди ҷомеъи Душанбе соли 2018 ба истифода дода шавад (АКС)

Эмомалӣ Раҳмон, раисиҷумҳури Тоҷикистон, имрӯз, 26 декабр аз майдони сохтмони Масҷиди марказии ҷомеъи шаҳри Душанбе боздид карда, изҳор дошт, ки ин масҷид бояд соли 2018 мавриди истифода қарор гирад.

Тибқи иттилои дафтари матбуоти раисиҷумҳури Тоҷикистон зимни боздид ба Эмомалӣ Раҳмон иттиллоъ доданд, ки наздики 50 фоизи ҳаҷми корҳои сохтмонӣ иҷро шудааст.

Санги нахустин барои сохтмони ин масҷид моҳи октябри соли 2009 дар рӯзҳои таҷлили 1310 - солагии Имоми Аъзам ва Соли бузургдошти асосгузор ва пешвои мазҳаби таҳаммулгарои ҳанафӣ гузошта шуда буд.

Тибқи лоиҳа, ки бо назардошти унсурҳои бостонию муосири санъати меъмории тоҷикӣ ва ҷаҳонӣ омода гардидааст, масҷид аз 4 манораи баландиаш 75 метра ва гумбази 47 метра иборат хоҳад буд.

Ин масҷиди бузург дар майдони 7,5 гектар замин ҷойгир шуда, иборат аз биною мавзеъҳои намозхонӣ, китобхона, осорхона, толорҳои маҷлисӣ ва қабули меҳмонон барои мулоқоту гуфтушунидҳо хоҳад буд.

Дафтари матбуоти раисиҷумҳури Тоҷикистон мегӯяд, корҳои сохтмону васлгарӣ аз ҷониби ширкатҳои ватанӣ - пудратчии асосӣ Ҷамъияти Саҳомии Кушодаи “СТС - Иншоот” ва Ҷамъияти Саҳомии Кушодаи “Сомон таҷҳизот” анҷом ёфта, дар давраи бунёди масҷид беш аз 700 нафар бинокори маҳаллӣ бо кор ва маоши хуб таъмин мебошанд.

Ба иттилои манбаъ Эмомалӣ Раҳмон зимни боздид дастур дод, ки корҳои сохтмону ороиш дар сатҳи меъёрҳои ҷаҳонӣ анҷом дода шаванд ва ин масҷид, ки бо тарҳи дар Осиёи Марказӣ нодир бунёд мегардад, бояд садсолаҳо ба насли оянда хизмат расонад.

Мӯҳр

Хабарҳои монанд:

Ассам

Ин сохтакорихо ба президент назебидааст

Ҷавоб диҳед Иқтибос Шикоят

бе ном

Мо чавонон ба Пешвои худ бовари дорем.. [center][/center]

Ҷавоб диҳед Иқтибос Шикоят

Хоркаш

Дуруст гуфтед. Аз баракати ин масҷид чандин кас соҳиби қасру дачаҳо шуданд ва шуда истодаанд. То соли ҳаждаҳ гуфта бошад ҷаноб, иншооллоҳ бисту ҳашт сохтмон тамом мешавад. То он вақт садҳо нафар соҳиби қасру дачаҳои нав мешаванд.

Ҷавоб диҳед Иқтибос Шикоят

Эзоҳ илова кунед