Парвандаи ҷиноӣ алайҳи ду масъули комиссияи тиббӣ, ки ҷавони маризро аскарӣ фиристодаанд
Дилшод Ҷӯраев, ҳуқуқшиноси “Дафтари озодиҳои шаҳрвандӣ” ба “Озодагон” гуфт, Абдукарим Толибов, раҳбари комиссияи тиббии комиссариати ҳарбии ноҳияи Сино ва духтури касалиҳои дарунӣ -- Матлуба Самадова, аъзои ин комиссия, дар “хунукназарӣ” муттаҳам мешаванд. Ба иттилои ӯ, ин ду нафар Эмомиддин Холов, як сокини ноҳияи Раштро, ки тариқи “облава” боздошт шуда ва аз бемории гурда ранҷ мебурдааст, ба артиш фиристодаанд.
Эмомиддин Холов, ки ҳоло ба дарди шадиди гурда гирифтор аст ва фавран ба пайвандсозии гурда ниёз дорад, моҳи ноябри соли 2015 ба “Озодагон” гуфта буд, баъди 12 рӯзи хидмат дар артиш пойҳояш варам карданд: “Дар беморхонаи ҳарбӣ дар Помир ду моҳ хоб будам, беҳбудие нашуд, баъдан Қарияи боло ва Медгородок омадам, аммо бемориам рӯз то рӯз авҷ гирифт. Дар охир баъди вазнин шудани вазъи саломатиам муайян карданд, ки гурдаҳоям қариб аз кор мондаанд”.
Насриддин Холов, бародари Эмомиддин дар суҳбати телефонӣ имрӯз, 15 январ ба “Озодагон” гуфт, аз раҳбари комиссия тиббии комисариати ҳарбӣ ва духтуре, ки бародарашро солим гуфта ба хизмат фиристодааст, хостаанд, маблағи табобати ӯро пардохт кунанд: “Гуфтем, агар харҷи табобатро бар уҳда гиред, аз даъвоямон мегузарем, аммо онҳо рад карданд”.
Дилшод Ҷӯраев, вакили мудофеи Эмомиддин Холов мегӯяд, тамоми маводи марбут ба ин қазияро ба ихтиёри Додситонии гарнизони ҳарбӣ супурда ва интизори баррасиҳои додгоҳиянд.
Бино ба ташхиси табибон як гурдаи Эмомиддин Холов комилан аз кор мондаву гурдаи дигараш ҳамагӣ 10-15 дарсад кор мекунад. Эмомиддин дар як муроҷиати видеоӣ тавассути “Озодагон” барои ҷарроҳии гурдаҳояш аз Ҳукумати Тоҷикистон, Вазорати тандурустӣ ва шахсони саховатманду ташкилотҳои хайриявӣ хоҳиши кумак карда буд. Бародари Эмомиддин имрӯз ба “Озодагон” гуфт, саломатии ӯ рӯз ба рӯз бадтар мешавад.
Дар акс Эмомиддин Холов Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
