Дастур барои ташкили донишгоҳи нави тиббӣ дар Хатлон
Эмомалӣ Раҳмон, раисиҷумҳури Тоҷикистон имконоти ягона Донишгоҳи давлатии тиббии кишварро барои қонеъ кардани талаботи соҳа бо кадрҳо нокифоя хонд.
Эмомалӣ Раҳмон имрӯз, 20-уми январ зимни ироаи паёмаш ба парлумон изҳор дошт, ки дар Тоҷикистон мутахассисони тиб, ки қобилияти кор бо дастгоҳҳои муосирро доранд, хеле каманд. Ӯ афзуд, ки ин мушкил махсусан дар вилояти Хатлон зиёд ҷой дорад ва пешниҳод намуд, ки дар ин вилоят як муассисаи таълимии олии тиббӣ ташкил карда шавад.
Раисиҷумҳур ба масъулини тандурустӣ супориш дод, ки тарҳи ташкили донишгоҳи нави тиббиро ба ҳукумат пешниҳод намоянд ва онро то соли нави хониш фаъол созанд.
Эмомалӣ Раҳмон ба омодасозии дурусти кадрҳои соҳаи тиб махсусан таъкид кард, чун ба гуфтаи ӯ табиб, ки бо ҳаёти одамон кор дорад, ҳуқуқи маънавии хато карданро надорад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |