22 янв 2016 12:27Тоҷикистон / Иҷтимоӣ

Вазир гуруснагии 30%-и тоҷикистониёнро нодуруст хонд

Маҳмадтоир Зокирзода, вазири кишоварзии Тоҷикистон гузориши байналмилалиро дар бораи ранҷи 30 дарсади тоҷикистониён аз норасоии ғизо нодуруст хонд.

Зокирзода имрӯз, 22 январ зимни нишасти матбуотӣ дар посух ба суоли “Озодагон” изҳор дошт, ки гузориш дар бораи гуруснагии 30%-и тоҷикистониён нодуруст аст: “Метавонед, таҳлил кунед. Хонаҳои мардум равед. Ман ҳамчун вазири кишоварзӣ мегӯям, ин иттилоъ нодуруст аст ва ба ҳақиқат рост намеояд”.

Масъулини Вазорати кишоварзӣ дар шарҳи гузориши байналмилалӣ афзуданд, ки мувофиқи нишондоди Созмони ҷаҳонии тандурустӣ, агар одам аз ғизо рӯзе 3 ҳазору 500 килокалория энергия гирад, маънои онро дорад, ки пурра таъмин аст: “Агар дар як рӯз 2 ҳазору 500 килогкалория энергия гирад, нишондоди муътадил аст. Агар аз 1 ҳазору 500 килокалория кам истеъмол кунад, маънои онро дорад, ки инсон дар ҳолати гуруснагӣ қарор дорад. Мувофиқ Оҷонсии омор ҳар як сокини Тоҷикистон 2 ҳазору 100 килокалория истеъмол мекунад. Ин ахбори расмӣ аст”.

Ин дар ҳолест, ки Тоҷикистон дар раддабандии Созмони ҷаҳонии Global Hunger Index оид ба норасоии ғизо миёни 117 кишвари ҷаҳон мақоми 21-умро ишғол кардааст. Тибқи ин раддабандӣ 30,3 дарсади аҳолии Тоҷикистон мушкили норасоии ғизо доранд.

Ин гузориши нави созмони ҷаҳонӣ оид ба ғизо, ки дар Вашингтон нашр шудааст, Тоҷикистонро миёни кишварҳои Уганда, Покистон, Нигерия, Руанда ва Малӣ қарор додааст, ки аз се як ҳиссаи аҳолии ин кишварҳо ба норасоии ғизо мувоҷҷеҳ мебошанд.

Тибқи ин гузориш миёни кишварҳои пасошуравӣ мушкили норасоии ғизо дар Русия поинтар 0,7% Белоруссия, 0,8%, Украине 1,2%, Латвия ва Литва (1,4%), Эстония (2%), Озарбойҷон (1,7%), Қазоқистон (2,5%), Туркманистон (3,2%), Арманистон (5,8%), Қирғизистон (6%), Гурҷистон (7,4%), Молдавия (12,2%) ва дар Узбакистон (13,3%)-ро ташкил медиҳад.

Мӯҳр

Хабарҳои монанд:

Анас

Мухтарам вазир албата рост мегуяд Модоме, ки аз 50% зиёди ахоли нимгурусна хастанд Барои чи онхо 30%мегуянд

Ҷавоб диҳед Иқтибос Шикоят

Олим

"Ишками сер кай парвои гурусна" гуфтаанд. Вазир чизи дигарро фаромуш кард: мардуми точик 100 фоиза бо барку газ таъминанд. Тахлилгарони чахони оид ба норасоии барк дар Точикистон тамоман дуруг мегуянд!!!

Ҷавоб диҳед Иқтибос Шикоят

кашшок

РОСТ ГУФТЕД ВАЗИР.30% АХОЛИ ГУРУСНА НЕ. 60% АХОЛИ АЗ ГУРУСНААНД

Ҷавоб диҳед Иқтибос Шикоят

Фалоҳ

Шумо кадом як муассисҳои ҷаҳонро дуруғ мешуморед UN.AMNESTY INT.HRW. ва дигарҳо. Шумо агар онҳоро дуруғ мешуморед пас бврои чӣ 1доллар ба 10 сомонӣ баробар шудааст

Ҷавоб диҳед Иқтибос Шикоят

Шахрванд

Барои дуруст хондан савод доштан даркор, хамин тавр не ?

Ҷавоб диҳед Иқтибос Шикоят

Масрур

Мухтарам вазир, мумкин хешу табори шумо бо гизо таъмин бошанд. Вале зиёда аз 20 дарсади мардум гушнаанд.

Ҷавоб диҳед Иқтибос Шикоят

Дехоти

Мухтарм вазир! Шумо дуруст кайд кардед. 30% ин нодуруст мебошад. Дурусташ 60% мебошад. Шумо дар хонаатон тухми мохи мехуред аз кучо медонед мардум чи мехурад ё дар дахони хар як мардум счёчик мондед, ки калорияхои хурдагии онро фахмидед. Шарм кунед.

Ҷавоб диҳед Иқтибос Шикоят

мехмон

Сад дар сад дуруст хаст! Норасоии гизо 30% не 65% хаст!!!! Рафик вазир як маротиба ба хонаи камбагале мехмони нохонда шавед, мефахмед ки чи хаст норасоии гизо!!!!

Ҷавоб диҳед Иқтибос Шикоят

сайид

валлоҳеки аз 30% фойизам зиётаран ино факат чойҳой дарстар бударо дидан дар тарафи куҳ нимаҳо халқ хамаш гуруснаанд и райиса хонаш хама серан ҳами тоҷико яг мақола доран меган сер кай парвой гушна дорад

Ҷавоб диҳед Иқтибос Шикоят

Мехмон

30% не 65% мардум нимсеранд ва норасоии гизоии руздармиён вучуд дорад мухтарам вазир! Баъзе оилахо моххо гуштро намебинанд.

Ҷавоб диҳед Иқтибос Шикоят

Эзоҳ илова кунед