25 янв 2016 13:56Тоҷикистон / Дидгоҳи хос

Ҳушдори А. Ғоиб: Вазъ метавонад бадтар шавад

Абдуфаттоҳи Ғоиб, сардори Хадамоти гумруки Тоҷикистон имрӯз, 25 январ зимни нишасти матбуотӣ изҳор дошт, ки аз 4,1 миллиард сомонии нақша тавонистаанд, танҳо 3,6 миллиард сомониро ба буҷаи давлат ворид кунанд.

А.Ғоиб сабаби аз нақша 11% кам ворид гаштани пардохтҳои гумрукӣ ба буҷаи давлатро ба коҳиши тиҷорати хориҷии Тоҷикистон рабт дод.

Сардори Хадамоти гумрук изҳор дошт, ки тиҷорати хориҷии Тоҷикистон соли гузашта 4 миллиарду 326,0 миллион доллари амрикоиро ташкил дод, ки нисбат ба соли 2014- 943,0 миллион доллар ё 17,9 % кам мебошад: “Аз ҷумла воридот 3435,0 миллион доллар ва содирот 891,0 миллион долларро ташкил дод, ки нисбат ба соли 2014 воридот ба маблағи 863, 0 миллион доллар ва содирот ба қадри 79,0 миллион доллар коҳиш ёфтааст”.

Абдуфаттоҳи Ғоиб зикр кард, ки аз ҳаҷми умумии воридот дар соли сипаригардида ҳиссаи бештарро маҳсулоти нафтӣ — 10,2% ё ин ки 351,6 миллион доллар, гандум 7,1% ё 244,5 миллион доллар, гази моеъ 4,3 % ё 147,0 миллион доллар, оксиди алюминӣ ( глинозем) 3,9 % ё 133,8 миллион доллар, чӯбу тахта 3,8 % ё 129,9 миллион доллар ва воситаҳои нақлиёти сабукрав 2,6 % ё ин ки 88,2 миллион долларро ташкил медиҳанд.

Сардори Хадамоти гумрук коҳиши тиҷорати хориҷӣ ва пардохтҳои гумрукиро ба буҳрони ҷаҳонӣ, ноустуворӣ дар бозори нафт ва коҳиши қурби пули миллӣ нисбати асъори хориҷӣ гуфт. Абдуфаттоҳи Ғоиб бо зикри вазъи буҳронӣ дар ҷаҳон, ҳушдор дод, ки дар соли равон вазъият метавонад бадтар шавад.

Мӯҳр

Хабарҳои монанд:

Турб

Трб кимат мешава чи

Ҷавоб диҳед Иқтибос Шикоят

сухроб

Воачаб. Ягон вазиру кабир дар гуфтани сабабхои кохиши бучаю иктисод номи мухочиронро ба забон намеорад. Магар ин курнамаки нест?

Ҷавоб диҳед Иқтибос Шикоят

Шахбоз

Хама мардум гуфтанд ки нарху навои ГУМРУКА набардоред ки вазъ безеб мешавад. Аммо шикамамон сер гуфта ба суханхои мардум ахамият надоден вазъ бад шуд. Ҳоло бо бадтар мешавад агар хамин нарху навои гумрук боки монад.

Ҷавоб диҳед Иқтибос Шикоят

Ali

Турб,
Kadu chi?

Ҷавоб диҳед Иқтибос Шикоят

Эзоҳ илова кунед