25 янв 2016 15:15Тоҷикистон / Иқтисодӣ

Раиси Кумитаи андоз: 30%-и иқтисоди Тоҷикистон пинҳонист

Нусратулло Давлатзода, раиси Кумитаи андози Тоҷикистон бо такя ба пажуҳиши Вазорати рушди иқтисоду савдо изҳор дошт, ки 30%-и иқтисодиёти кишварро иқтисоди пинҳонӣ ташкил медиҳад.

Давлатзода имрӯз, 25 январ зимни нишасти матбуотӣ дар Душанбе гуфт, Вазорати рушди иқтисод якҷо бо маркази таҳқиқотии Шарқ муайян кардаанд, ки 30%-и иқтисодиёти кишвар пинҳонӣ аст. Раиси Кумитаи андоз афзуд, ки иқтисоди пинҳонӣ дар бисёри кишварҳо ҷой дорад ва илова намуд, ки мо кӯшиш мекунем, аз густариши ин раванд дар Тоҷикистон ҷилавгирӣ кунем.

Давлатзода инчунин изҳор дошт, ки соли гузашта 22,5 ҳазор соҳибкор фаъолияташонро қатъ кардаанд. Ӯ омилҳои ин равандро гуногун гуфт, “аз ҷумла аз уҳдаи кор намебароянд, андозҳоро супорида наметавонанд ва ин боиси қатъи фаъолияташон мешавад”.

Дар мавриди ширкати “Вавилон М” раиси Кумитаи андоз изҳор дошт, ки соли гузашта 13,5 миллион сомониро ба буҷа пардохт кардааст. Давлатзода гуфт, “Вавилон М” бояд 324 миллион сомонии дигарро ба буҷаи давлат ворид созад. Ӯ афзуд, бо роҳбарияти ин ширкат созиш кардаанд, ки қарзашонро дар назди буҷа марҳила ба марҳила бо назардошти имкониятҳо пардохт хоҳанд кард.

Раиси Кумитаи андози Тоҷикистон, илова кард, ки бақияи қарзи корхонаю ташкилотҳо аз андоз ба ҳолати 1 декабри соли 2015 653,2 миллион сомониро ташкил додааст, ки аз 142,4 миллион сомонияш ба ширкати “Барқи тоҷик” рост меояд.

Ба гуфтаи раиси Кумитаи андоз соли гузашта нақшаи даромади андозро 101,3 фоиз таъмин кардаанд ва талош мекунанд, ки соли равон низ нақшаро барзиёд иҷро кунанд: "Мо худ камбудиҳо дорем. Бисёр имкониятҳое ҳастанд, ки истифода набурдаем. Муҳим давлат тинҷ бошад, буҷаро иҷро мекунем. Дар ин хусус хушбинем".

Мӯҳр

Хабарҳои монанд:

Андоз безор

Мутарам РАИС ба Худо ай хами андози баландтон безор шудем. Хатто аз маоши ночиз андоз мегирен. намеша хаму андоза кам кнен то ки хама ба сохибкори (сохтани фабрукаву завод) машгул шаванд ва буччаи давлат зиёд шавад. Безор шидем безор. хамира мефахмен.

Ҷавоб диҳед Иқтибос Шикоят

Вай 30%

Вай 30% ки пинхони кор мекунанд хама медонад ки хешу табори худатону шиносотон хаст.

Ҷавоб диҳед Иқтибос Шикоят

Сохибкор

Мухтарам раис шарм доред сохибкоронро ноухдабарор мегуеду якбор аз ахволашон бохабар нестед . Хар сол нархи патенту арендаро боло мебардореду боз мо ноухда барор шудем шумо чанобон ба корхое даст мезанед ки аслан дар вазьияти иктисоди кунунии Точикистон аз ухдааш баромадан гайри имконаст . Чаноби раис якбор омада дар бозор як рузи худро сипари кунед аз савдои точирон мушохида кунед бад мефахмед ки чикасе ноухдабарораст , дар кабинетхову курсихои гарму нарм нишаста боз шарм надошта мо мохибкоронро гунахкор мехисобед.

Ҷавоб диҳед Иқтибос Шикоят

Муслим

Ассалому алайкум

Мухтарам Нусратулло Давлатзода Шумо як бор эксперимент гузаронед яъне пешниход намоед нархи андозро поен фароранд хадди акал дар муддати як сол кани баъд натичагири кунед иктисоди сояги (теневая экономика) кохиш меебад ва сафи андозу андозсупорандагон зиед мешавад агар ха шеваи корро хамин хел кунед.Ба фикри ман чи кадаре,ки дар пардохти молиетхо сабуки бошад хамон кадар шаффофият зиед мегардад.

Ҷавоб диҳед Иқтибос Шикоят

Эзоҳ илова кунед