01 фев 2016 13:41Тоҷикистон / Иҷтимоӣ / Тема дня

6 ҳабси якумра: Барои қатли ҳомила, таҷовузи духтари 6-сола ва...

Шӯрои адлияи Тоҷикистон мегӯяд, соли гузашта дар кишвар 6 нафар ба ҳабси абад маҳкум шудаанд, ки нисбати соли 2014 як ҳолат зиёд мебошад.

Дӯстмурод Муродзода, раиси Шӯрои адлияи Тоҷикистон, имрӯз, 1 феврал зимни нишасти матбуотӣ дар Душанбе изҳор дошт, ки ҳабси абад алайҳи афроде татбиқ шудааст, ки дар ҷиноятҳои махсусан сангин гунаҳкор дониста шуданд

Ба гуфтаи Муродзода аз ҷумла додгоҳ Абдулазиз Усмонов, маъруф бо номи “Ҳоҷӣ Самандар” ва зердасташ Саидмурод Мадалиевро барои қатли бародарон-Раҷабалӣ ва Фарҳод Каримовҳо, ба ҳабси абад маҳкум кардааст. Қаблан Худи ҳоҷӣ Самандари 53-сола дар шарҳи омилҳои даст задан ба ин ҷиноят гуфт, Каримовҳо аз ӯ беш сад кило героинро бо нархи 4 ҳазор доллар сари ҳар кило гирифта, маблағашонро надодаанд.

Раиси Шӯрои адлия илова намуд, ки инчунин соли гузашта барои абад ба зиндон Ҷамшуд Раҳимов равона шудааст, ки ҳамсари ҳомила ва хушдоманашро қатл карда, ба хоҳарарусаш зарари вазнин ҷисмонӣ расондааст.

Инчунин Амирхон Ҳотамов, донишҷӯи соли панҷуми факултаи таърих ва ҳуқуқи Донишгоҳи давлатии Кӯлоб барои қатли ду донишҷӯи ин донишгоҳ ҳукми абад гирифтааст.

Тибқи иттилои раиси Шӯрои адлия додгоҳи ноҳияи Конибодом Юлдошев Баҳроми 38-соларо, ки фарзандони худ, Заринаи 7-сола, Нурмуҳаммади 12-сола ва ҳамсараш – Эргашева Дилороми 39-соларо ваҳшиёна бо табар ба қатл расонда буд, абадан равонаи зиндон намудааст.

Дар баробари ин ба иттилои манбаъ додгоҳи вилояти Суғд Юрий Коноваловро дар таҷовуз ва қатли бераҳмонаи духтари 6-солаи ҳамсоя гунаҳкор дониста, ба ҳабси абад маҳкум кардааст.

Мӯҳр

Хабарҳои монанд:

IШарифбег, н.Мастчох

Мухтарам Раис! Дуруст кардаед. Чинояткор бояд чазояшро бинад. Хусусан ба касе, ки ба зан-модар ва умуман ба чинси латиф бо ин сангдили муносибат мекунад.Ин каззия мо сокинони нохияи Мастчохро низ ба зтироб овардааст. Аввали мохи январи соли чори дар нохияи мо, аз чумла дар хонадони Н.Ч., ки хамрох бо писараш гох-гохе дар телевизиони чумхури ва махсусан байни мардум дигаронро насихат карда вазъ мехонанд, келини хонадон,духтари боиффату покдомани 24 сола, ки як тифли 4 моха хам дошт, ба фишору тахкир ва озори чисмонии зиёд тоб наоварда,худро ба катл мерасонад ё ба катлаш мераонанд маълум нест.Ин фочеа то имруз мо сокинони дехахои гирду атрофи н.Мастчохро ором гузошта наметавонад. Илтимос раиси мухтарам Дустмурод Муродзода бахри муайн кардан ва ба чавобгари кашидани, чунин афрод кумак мекардед ва чазои сазовор медоде. Охир ману шумо хам фарзанд дорем. пагох келин мекунем,духтар медихем. Барои хамин хам кадри хамдигарро донем. Пеш аз он ки дигаронро насихат кунем, аввал худро ислоху тарбия кунем.

Ҷавоб диҳед Иқтибос Шикоят

Сулаймон , н. Варзоб

Аз кормандони сомонаи дустдоштаам "Озодагон" хохиш мекардам, ки нисбат ходисае, ки аввали мохи январи хамин сол боиси марги келини 24 сола дар нохиям Мастчох гаштааст, матлабе омода мекардед хуб мешуд.Чи гап аст , чи шудааст? шояд касе камбудии худро ислох мекунад ё ба дигарон хушдор мегардад

Ҷавоб диҳед Иқтибос Шикоят

Маҳмуд н. Мастчоҳ

Хуб қайд кардед Шарифбек. Ман ҳам мехоҳам ин ҳодисаро озодагон нашр кунад. То ки барои дигарон ибрат шавад!

Хуб қайд кардед Шарифбек. Ман ҳам мехоҳам ин ҳодисаро озодагон нашр кунад. То ки барои дигарон ибрат шавад!

Ҷавоб диҳед Иқтибос Шикоят

Эзоҳ илова кунед