Вазорати молия: Қарзҳои Узбакистону Қазоқистонро пурра пардохт кардем
Вазорати молияи Тоҷикистон мегӯяд, соли 2015 қарзҳои Узбакистону Қазоқистонро пурра баробар кардааст.
Ҷамшед Каримзода, муовини вазири молия имрӯз, 2 феврал дар суҳбат бо хабарнигорон гуфт, соли сипаришуда 105,6 миллион доллар қарзи Тоҷикистон аз Узбакистон пурра пардохт шуд. Ӯ афзуд, Тоҷикистон 12.2 миллион доллар қарзаш аз Қазоқистонро низ пурра баробар сохт.
Ба гуфтаим оқои Каримзода дар соли 2015 аз 2,2 миллиард доллар қарзи хориҷии кишвар, ки 27,8 дарсади Маҷмӯи маҳсулоти дохилиро ташкил медиҳад, беш аз 144 миллион доллараш баргардонида шуд. Муовини вазир қарзи дохилии кишварро 2,5 миллиард сомонӣ рақам зад.
Ҷамшед Каримзода, дар нишасти хабарии имрӯз, ширкатҳои “Барқи тоҷик” ва “ТалКО”-ро аз қарздорҳои бузургаш ном бурд. Ӯ гуфт, қарзи “Барқи тоҷик” ба ҳолати якуми декабри соли 2015, 142,4 миллион сомониро ташкил медиҳад. Қарзи ширкати алюминии Тоҷикистон - “ТалКО” ба 47,7 ва "Тоҷиктелеком" ба 8,3 миллион сомонӣ мерасад.
Ҷаноби Каримзода дар идомаи суҳбат гуфт, 7 шаҳру ноҳия -- Ваҳдат, Турсунзода, Ҳисор, Исфара, Истаравшан, Зафаробод, Ҷаббор Расулов нақшаи буҷаро иҷро накардаанд: "Дар умум 24,4 миллион сомонӣ ворид нагардид".
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |