Муҷозоти 73 нафар барои муомилоти ғайриқонунии маводи мухаддир
Раёсати Агентии назорати маводи нашъаовар дар вилояти Суғд мегӯяд, дар соли сипаришуда беш аз 70 нафарро бо иттиҳоми муомилоти ғайриқонунии маводи мухаддир ба ҷавобгарии ҷиноятӣ кашидаанд.
Тавре аз ин ниҳод ба хабаргузории “Озодагон” иттилоъ доданд, дар пайи чорабиниҳои фаврӣ-ҷустуҷўӣ дар самти мубориза бо муомилоти ғайриқонунии маводи нашъаовар давоми соли 2015, 46 ҷиноят ошкор шудааст, ки дар қиёс ба ҳамин давраи соли 2014, 2 адад ё 4,5 дарсад зиёд мебошад: “Барои содир намудани ин ҷиноятҳо 73 нафар, аз ҷумла 7 касе, ки қаблан суд шудааст, 2 зан, 1 ноболиғ ва 1 шаҳрванди хориҷӣ, ба ҷавобгарии ҷиноятӣ кашида шудаанд”.
Раёсати Агентии назорати маводи нашъаовар гуфт, дар ин давра аз гардиши ғайриқонунӣ 151 килою 499 грамм маводи нашъаовар мусодира шудааст, ки ин нишондод нисбат ба соли пешӣ, 5% камтар аст: “Дар соли 2014 ин рақам 159 килою 471 граммро ташкил медод”.
Ин ниҳод мегӯяд, “аз ҷамъи умумии маводи нашъаовари мусодирашуда 23 килою 610 граммро воситаи нашъаовари “ҳероин”, 2 килою 170 граммро маводи нашъаовари “афюн” ва 125 килою 719 граммро маводи нашъадори гуруҳи “бангдона” ташкил медиҳад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |