Ҳикмати сиёсии Меркелбону ва пиндорҳои дугонаи Ғарб
Як ҳафтаи ахир ин суханони Меркел, садри аъзами Олмон дар шабакаҳои иҷтимоӣ ва маҳофили баҳсии тоҷикӣ хеле баррасиву матраҳ шуданд:
“Ҳинду Чин наздик ба 2,5 млрд аҳолӣ, 150 худо ва 800 ақидаи мухталиф доранду дар Сулҳ зиндагӣ мекунанд. Мусалмонон 1 Худо, 1 паёмбар ва 1 Китоб доранд, вале хиёбонҳояшон ба хуни ҳамдигар сурх шудааст!
Қотилаш мегӯяд: Аллоҳу Акбар!
Мақтул ҳам мегӯяд: Аллоҳу Акбар!
Ва куштаҳои 2 тараф шаҳид номида мешаванд. Ин дард аст, ки мутаваҷҷеҳ нестем дин чист!”
Ҳатто ҳафтаномаи “СССР” дипломи вижа ва 100 сомонӣ мукофотро барои бону Меркел ихтисос додаву онро дар сафорати Олмон дар Душанбе супурд. Аз нигоҳи инсондустӣ ва хирадгаройӣ муаллифи ин суханон ба ҳама гуна ҷоизаву мукофот сазовор мебошад. Вале агар шахсияти муаллифро ба унвони яке аз роҳбарони кишварҳое бидонем, ки дар тамаддуни Ғарб яке аз ҳарфҳои аввалро мезанад, моҳияти ҳикмат каме фарқ мекунад.
Суханони Меркел дар худии худ воқеияти баҳснопазиранд, агар наҳваи сиёсии чунин як изҳори назарро аз ҷониби ин роҳбари кишвари пешоҳанги аврупоӣ сарфи назар накунем. Аз ин гуна вазъи ҷаҳони Ислом на танҳо Меркел, ҳатто тамоми ҷаҳон дар ҳамин гуна як ҳайратанд. Мо, ин ҷо аз шарҳу тафсири ақидативу фалсафии ин гуфтаҳо канор меравем ва як руйкарди сиёсӣ ба ин нуқтаназар хоҳем дошт. Ин нукта, ки ҷомеаи мусалмонӣ гирифтори ҳамин гуна мушкил ва ҳамоқату нафратест, ки Меркел гуфтааст, ҷойи баҳс надорад. Вале чаро Ғарб, кишварҳои аврупоӣ ҳам дунболи тавсеаи ҳамин бебандуборӣ мебошанд? Оё ба ин суол Меркел ва ё Обама ё нахуствазири Бритониё посух доранд?!
Кишварҳои аврупоӣ дар даврони бештар аз дусадсолаи истеъмори худ дар кишварҳои мусалмониву арабӣ оё ҳамин танишҳои мазҳабиву бовару эътиқодиро тавсеъа надоданд? Магар мо шоҳиди ҳамин гуна тафаккур, пиндор ва танишҳо дар ин мустаъмараҳои аврупоӣ набудем? Кӣ имрӯз аз худкоматарин режимҳои хонаводагиву диктатории Саудӣ, Қатар, Имороти арабӣ ҳимоят мекунад, вале Эронро барои нақзи ҳуқуқи инсон таҳрим мекунад? Мисри диктатории даврони Муборакро кӣ аз нигоҳи сиёсӣ “крышевать” мекард, аммо боз кӣ ҳукумати интихобӣ ва бар асоси иродаву раъйи мардум ҳосилшудаи Мурсиро нахост? Чаро Ғарб ҳокимони диктатори Осиёи Марказиро ҳамеша ихтор медиҳад, чаро сарнагун шудани режими Асадро пуштибонии молиявию низомӣ мекунад, аммо аз сӯйи дигар барои аз миён рафтани ҳукуматҳои мардумӣ дар ҷомеаи мусалмонӣ боз ҳам талош мекунад? Олами Ислом “бо ҳама гўливу гарангӣ” шоҳиди чунин сиёсатҳо ва стандартҳои дугона мебошад.
Чаро Ғарб ҳам ин мекунаду ҳам он, вале чаро на ин мехоҳаду на он?
Ғарб бо рӯйи кор овардани гуруҳҳои террористуву қатлиомгари “Толибон”, “Ал-қойида”, “ДИИШ” ва садҳои дигар барои мо бовар медиҳад, ки ин ҳама ҳосили ҷомеаҳоеянд, ки як Худову як китобу як дин доранд. Дар ҳақиқат ин гуруҳҳо аз ҷомеаи мо бархостаанд, вале магар худҷӯш буданд?
Мо медонем, ки Ғарб, хусусан қудратҳои аврупоӣ ва ИМА дар асри XX ду душмани асосӣ дошт; куммунизм ва Ислом. Бо шикастӣ режими куммунистӣ, ҳоло Ғарб як душмани идеологӣ - Исломро дорад. Ғарб аз Ислом ба андозаи “шайтон аз бисмиллоҳ” метарсад. Инро тамоми муҳаққиқон -- Ҳонгтинтон, Эдвард Саид, Луис Бернард ва садҳои дигар ишора кардаанд. Пеш аз ҳама муҳаққиқони ғарбӣ ба ин нукта ишораҳои гуногун доранд. Хусусан, ин гуна баррасиҳо ва тарсҳо аз баробар омадани зуҳури Ислом ва сарнагун шудани императории Рим дар доираҳои фикрии Ғарб бисёр дида мешавад. Тарси ғарбиҳо аз маҳвшавии тамаддуни ғарбӣ аст. Онҳо тамоми кору чораро меандешанд, то “тамаддуни ғарбиро аз касоне, ки мехоҳанд ин тамаддун ва шеваи зиндагии ғарбиро нобуд кунанд” ҳифз намоянд. Ҳамин гуна тарс ва душманӣ Ғарбро дар муқобили Ислом қарор додааст ва тамоми талоши мумкин карда мешавад, ки мусалмонон “хиёбонҳояшон ба хуни ҳамдигар сурх” бишавад ва қотилу мақтул бигӯянд, ки “Аллоҳу Акбар”.
Бо ҳамин мақсадҳост, ки дар олами Ислом ва мусалмонҳо ҷангҳои ниёбатӣ, мазҳабӣ ҳеч аст, ки тамом шаванд. Оламе, ки ба як дину як Худо ва як китоб бовар дорад, аз ин гуна ҷангу куштор ҳеч хаста намешавад.
Луис Бернард, муҳаққиқ варзидаи бритониёӣ дар китоби арзишмандаш “Ғарб ва Ислом” фаслҳои алоҳидае бо номи “Ғарб ва Ислом” ва “Аврупо ва Ислом” дорад ва дар ин гуна таснифот ҳадафи ин муаллиф аз Аврупо ва Ғарб на қаламрави ҷуғрофиёӣ, балки як ҳудуди тамаддунӣ ва сиёсӣ дар баробари Ислом аст. Ин муҳаққиқи варзида менависад, “барои мусалмонҳо Ислом танҳо як низоми боварҳо ва ибодат нест ва танҳо яке аз ҷанбаҳои зиндагӣ низ нест, балки бо тафовут аз дигарон, ки дар ихтиёри ҳукуматҳои секулор ҳастанд ва дар зиндагиашон қонунҳои дунявӣ ба кор меравад, дар фурсатҳои наздик зиндагӣ бо ҳама тамомияташ ва дастуроти Ислом ҷойгузини таъйиноти маданиву ҷинойӣ ва ҳатто он чизе мешавад, ки мо онро ҳуқуқи конститутсионӣ меномем”.
Дар назарияи “бархӯрди тамаддунҳо”-и Ҳонгтинтон ҳарчанд тамаддунҳои динмеҳвар мавриди баҳсанд, вале бархӯрди Ғарб бо Ислом ҳамчун бархӯрди асосии ду тамаддуни ҳоким дар ҷаҳон дониста мешавад. Дар ҳамаи ин таҳқиқот як чиз ҳадафи олӣ дониста мешавад: ҳимоя ва ҳифзии тамаддуни ғарбӣ. Барои ҳимоя ва ҳифзи тамаддуни ғарбӣ назарпардозони аврупоиву амрикоӣ улгуву роҳбурдҳое гуногунеро пешниҳод мекунанд вале чарост, ки Ғарби сисёӣ бештар ба роҳандозӣ ва гирифтор кардани олами Ислом ба куштор пора-пора кардани якдигар бартарӣ медиҳад. Вале равандҳои ҷаҳони муосир нишон медиҳанд, ки ин роҳҳо чӣ қадар хатову зиддиинсониянд.
Ҳоло ҷаҳони Ислом ва фарҳанги сиёсии ғарбӣ дар мубориза ва рақобатҳои шадид қарор дошта, бештарин қурбониҳои ҷаҳон ҳосили ҳамин гуна рақобатҳои бемаъниву инсонкуш мебошанд. Аммо бояд гуфт, ки дар саргаҳи ҳамин гуна рақобат бештар Ғарб истод мешавад.
Ин суханони маънидори Меркелбону замоне маънидортар мешаванд ва ё мебошанд, ки агар Ғарб аз баҳри сиёсатҳои дугонааш бигзарад. Замоне инсонгароёнатар садо медиҳанд, ки “ДИИШ” дигар пуштибонии молиявию низомиро надошта бошад. Замоне демокартитар маърифат мешаванд, ки терроризм ба “хубу бад” тафкик нашавад. Ва ҳазор замону ҳазор омили дигар. Дар ғайри сурат ин суханони ҳикматомез аз шиорзании сиёсие беш намебошанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
