Шукурҷон Зуҳуров ба сокинони Рашт тағйиру иловаҳо ба Конститутсияро шарҳу тавзеҳ медиҳад
Шукурҷон Зуҳуров, раиси Маҷлиси намояндагони Тоҷикистон имрӯз, 19 феврал ба минтақаи Рашт сафар кардааст.
Муҳаммадато Султонов, сухангӯи Маҷлиси намояндагон ҳадафи ин сафарро “расонидани пайёми Эмомалӣ Раҳмон, раисиҷумҳури кишвар ва шарҳу тавзеҳи тағйиру иловаҳо ба Конститутсия” гуфт. Ба қавли ӯ, Зуҳуров дар мулоқот бо сокинони Рашт роҷеъ ба муҳтавои пайёми раисиҷумҳур, раъйпурсии умумихалқӣ ва қонунҳои ба тозагӣ қабулнамудаи вакилон суҳбат кардааст.
Манбаъ мегӯяд, раиси Маҷлиси намояндагон дар доираи ин сафараш, ки 10 рӯз идома хоҳад кард, аз ноҳияҳои Тоҷикобод, Ҷилгатол, Тавилдара, Нуробод боздид намуда, бо фаъолону сокинони минтақа мулоқот менамояд: “Ҳамчунин миёни сокинон ва Шукрҷон Зуҳуров суҳбатҳо мешавад, сокинон ба саволҳои худ посух хоҳанд гирифт”.
Маҷлиси намояндагони Тоҷикистон санаи баргузории ҳамапурсии умумихалқӣ барои ворид намудани тағйиру иловаҳо ба Конститутсияро дар ҷаласаи рӯзи 10 феврали худ -- 22 майи соли 2016 таъин кард. Дар пай тағйиру иловаҳо ба Конститутсияи Тоҷикистон шурӯъ аз 15 феврал маъракаи таблиғоти қабл аз раъйпурсии ислоҳоти Қонуни асосӣ шурӯъ шуда, вакилони Маҷлиси намяондагон низ барои мулоқот ба мардум ба як қатор навоҳии кишвар сафарбар шудаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |