Созиши Кумитаи амният ва ВКД алайҳи нашъаҷаллобон: Боздоштшудаҳо милиса набуданд...
Муҳаммад Улуғхоҷаев, масъули Маркази матбуоти Сарраёсати Қӯшунҳои сарҳадии КДАМ ба “Озодагон” иттилоъ дод, ки 19 феврали соли равон барои ҷилавгирӣ аз вуруди маводи мухаддир аз Афғонистон ба Тоҷикистон миёни Кумитаи давлатии амнияти миллӣ ва Вазорати корҳои дохилӣ ҳуҷҷатҳо ба имзо расидаанд.
Ба иттилои манбаъ мувофиқи нақша 19 феврали соли равон дар минтақаи Хирманҷои ноҳияи Шуробод амалиёти махсуси муштараки марзбонҳо ва ВКД гузаронида шуд: “Қочоқчиён афғон 19 феврали соли равон аз Афғонистон ба қаламрави Тоҷикистон миқдори калони маводи мухаддирро интиқол дода, ба қочоқбарони тоҷик супориданд. Баъди супоридани маводи мухаддир яке аз қочоқбарони афғон боздошт гардид”.
Вазорати умури дохилӣ мегӯяд, дар идомаи амалиёт тақрибан соати 22:40-и 19 феврал дар минтақаи наздисарҳадии Хирманҷои ноҳияи Шурообод автомашинаи сабукрави тамғаи Лексус барои тафтишот боздошт гардид, ки аз даруни 3 борхалтаи сафед бо маводи мухаддир дарёфт шуд: “Дар натиҷаи ин амалиёт 4 шаҳрванди Тоҷикистон ба ҳабси пешакӣ гирифта шуданд. Аз қочоқбарон 56,5 кило маводи мухаддири ҳашиш, афюн, бангдона ва инчунин 2 тапончаи тамғаи ПМ, 4 тирдон, 32 тири тампончаи ПМ ва 8 адад телефонҳои мобилии гуногун тамға дарёфт ва мусодира карда шуд”.
Дар баробари ин генерал-майор Мустафо Рустамзода, сардори Раёсати мубориза бар зидди гардиши ғайриқонунии маводи мухаддири Вазорати корҳои дохилӣ, (УБНОН) низ 22-юми феврал, бо нашри як иттилоия боздошти 4 кормандашро дар вилояти Хатлон рад намуд.
Хабари боздошти 4 корманди “УБНОН” субҳи 22 феврал дар расонаҳо нашр гардид. Боздошти кормандони мақомоти ҳифзи ҳуқуқ бо иттиҳоми нашъаҷаллобӣ дар Тоҷикистон қаблан борҳо сурат гирифтааст.
Шерхон Салимзода, раҳбари навтаъини Агентии назорати маводи нашъаовари Тоҷикистон аввали соли равон аз боздошти нашъаҷаллобони “пагондор” дар кишвар хабар дод. Ба гуфтаи Салимзода тайи соли 2015 барои даст доштан дар гардиши ғайриқонунии маводи мухаддир 10 корманди Вазорати умури дохилӣ ва мудофиа боздошт гардиданд. Ӯ бо таассуф илова намуд, баъзан масъулине, ки вазифаашон мубориза бо ҷинояткорӣ ва гардиши ғайриқонунии маводи мухаддир аст, худашон ба ин ҷиноятҳо шарик мешаванд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
