Мақоми 212-и Душанбе дар феҳрасти беҳтарин шаҳрҳои ҷаҳон
Ширкати байналмилалии консалтингии Mercer гузориши ҷадидашро дар мавриди беҳтарин шаҳрҳои ҷаҳон барои кору зиндагӣ дар соли 2016 нашр намудааст, ки тибқи он шаҳри Душанбе мавқеашро нисбат ба соли гузашта ду зина беҳ кардааст.
Ин ниҳод шаҳрҳои ҷаҳонро аз рӯи сифати зиндагии сокинонаш раддабандӣ намуда, пойтахти Тоҷикистон – Душанберо дар миёни 230 шаҳри ҷаҳон дар зинаи 212-ум қарор додаст, ки ҳоло ҳам поинтар аз ҳамаи шаҳрҳои Осиёи Марказӣ меистад.
Миёни кишварҳои Осиёи Маказӣ Алма-Ато мақоми хубтареро касб карда, дар ҷойи 176-ум қарор гирифтааст. Тошканд дар зинаи 205, Ашқобод дар ҷойи 208 ва Бишкек дар мақоми 210-ум қарор гирифтааст.
Сингапур дар ин раддабандӣ мавқеи 25-умро ишғол намуда, беҳтарин шаҳри Осиё ва ҳавзаи уқёнуси Ором аз нигоҳи кору зиндагӣ баҳогузорӣ шудааст. Ба рӯйхати беҳтарин шаҳрҳои ҷаҳон барои кору зиндагӣ дар соли 2016, Вена –пойтахти Австрия ва дар пайи он Сюрих-Швейтсария, Окленд-Новая Зенландия, Мюнхен-Олмон ва Ванкувер-Канада қарор доранд. Қафомондатарин шаҳри ҷаҳон аз нигоҳи сифати кору зиндагии сокинонаш Бағдод (Ироқ) арзёбӣ шудааст.
Гузоришгарон мегӯянд, зимни раддабандии шаҳрҳои ҷаҳон муҳити иҷтимоӣ-сиёсӣ, бехатарӣ, нишондодҳои иқтисодӣ, сатҳи хадамоти тандурустию маориф, дастрасӣ ба манзил, иқлим ҳаёти фарҳангӣ ва дигар омилҳоро ба назар гирифтаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |