Баъди ҳалокати 13 нафар: Интиқоди А.Иброҳим аз истеҳсолот бо баҳои ҷон
Азим Иброҳим, ноиби сарвазири Тоҷикистон аз риоя нашудани техникаи бехатарӣ ва ҳалокати коргарон дар истеҳсолот интиқод намудааст.
Тибқи иттилоияи расмӣ, ки дастраси “Озодагон” шуд, Азим Иброҳим, имрӯз, 24 феврал зимни ҷаласа дар Хадамоти назорати давлатии бехатарии корҳо дар саноат ва соҳаи кўҳкорӣ, таъкид намудаст, ки бинобар сатҳи пасти дониши мутахассисон ва риоя нагардидани техникаи бехатарӣ дар истеҳсолот солҳои охир ҳодисаҳои нохуш зиёд шудаанд, ки ин боиси нигаронии ҷиддӣ аст.
Ноиби сарвазир изҳор доштааст, ки дастовардҳои истеҳсолӣ дар Тоҷикистон набояд бар ивази талафоти ҷонӣ таъмин карда шаванд. Ӯ ҳамчунин масъулини Хадамоти назоратиро муваззаф намудааст, ки ҳолати кории ҳар як лифтро дар иншооти шаҳру навоҳӣ аз ташхиси техникӣ гузаронанд ва танҳо дар сурати ҷавобгўй будан ба талабот барои истифодаи он иҷозат диҳанд.
Таъкиди Азими Иброҳим ба талафоти ҷонӣ дар истеҳсолот дар ҳолест, ки Раҳим Санъат Асо, раҳбари Хадамоти назорати давлатии бехатарии кор дар соҳаи кӯҳкорӣ иттилоъ дод, ки соли 2015 дар пайи нохушиҳо дар ҷои кор 13 нафар ҷон дода, 15 каси дигар ҷароҳати ҷисмонӣ бардоштаанд.
Ба иттилои Санъат Раҳим, соли 2015 аз ҷумла дар рафти корҳои сохтмонӣ дар нерӯгоҳи Роғун 3 нафар ҳалок шуда, 6 каси дигар ҷароҳат бардоштаанд. Ба гуфтаи ӯ миёни маҷруҳшудагон 2 шаҳрванди Эрон ва 2 шаҳрванди Чин мебошанд.
Раҳбари Хадамоти назорати давлатии бехатарии корҳо дар саноат ва соҳаи куҳкорӣ суст будани интизоми меҳнат, техникаи бехатарӣ, фарсуда шудани таҷҳизот, нагузаштан аз экспертизаи бехатарии саноатиро сабаби асосии нохушиҳои маргбор донист.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |