26 фев 2016 16:52Тоҷикистон / Иқтисодӣ

Се ҷавоб: Ба 43% зиёд шудани пасандозҳо бовар доред?

Бонки миллии Тоҷикистон аввали ҳафтаи ҷорӣ аз афзоиши пасандозҳои мардум ва корхонаю ташкилотҳо бо сомонӣ хабар дод. Ин ниҳоди молӣ гуфт, пасандозҳо дар бонк ва ташкилотҳои қарзӣ дар қиёс ба ҳамин давраи соли гузашта 43 дарсад бештар шудааст. Бархе таҳлилгарон дар замони буҳрони молӣ наздики 50 фисад афзоиш ёфтани пасандозҳоро ғайривоқеӣ медонанд. Дар робита “Озодагон” аз чанд коршинос пурсид: БА 43% ЗИЁД ШУДАНИ ПАСАНДОЗҲО БОВАР ДОРЕД?

Абдулло РОЗИҚЗОДА, шореҳи масоили иқтисодӣ
Мувофиқи омори охирини Бонки миллии Тоҷикистон дар бонкҳои кишвар 4 миллиарду 247 миллион сомонӣ пасандозҳо гузошта шудааст, ки қариб нисфи он бо пули хориҷӣ, хусусан бо долларанд. Чун қурби доллар дар соли гузашта ва хусусан як моҳи соли ҷорӣ боло рафт, пасандозҳо низ бо пули миллӣ агар бозҳисобӣ кунем, ба назар зиёд менамояд. Аммо ба ҳисоби доллар гирем, шояд афзуншавие ба чашм нарсад, балки шояд кам шуда бошанд. Ин як навъ рӯйпӯш кардани мушкилот аст. Ин масъаларо масъулони Бонки миллӣ хуб медонанд, аммо боз ҳам ба хотири аз ҳолати воқеӣ хуб нишон додани вазъият чунин ҳиллаҳои омориро ба кор бурда, вазъиятро дигаргун нишон доданӣ мешаванд.

Зуҳуршо РАҲМАТУЛЛОЕВ, иқтисодшинос
Агар дар сохтори бонкӣ аксарияти пасандозҳо бо асъори хориҷӣ, ба вижа доллар бошанд ва асъори миллӣ қурби худашро гум кунад, нисбат ба доллар дар давоми ҳисоботӣ, пасандозҳо меафзояд аз ҳисоби беқурб шудани асъори миллӣ. Яъне, пасандози ман, агар ки $1000 ИМА бошад, бо курби асъори 2015, 5000 сомонӣ аст, соли 2016 пасандози $1000 аз ҳисоби қурби нав 8000 сомонӣ хохад шуд. Шояд баъзе бонкҳо фоизҳои худро зиёд карда, мизоҷонашонро бештар карда бошанд. Инчунин бо далели буҳрони молиявӣ шояд баъзе сохибкорон фаъолияти худро маҳдуд ва маблағи зиёдатиро дар сохтори бонкӣ нигоҳ доранд.

Саидҷаъфар ИСМОНОВ, вакили Маҷлиси намояндагон
Дар як ҳолат мешавад бовар кард, ки имрӯз таҳаввулотҳое, ки миёни Русияву Украина, Русияву Туркия ва дар Аврупо шуда истодааст, мардум фикр мекунанд, ки аз ҳамин бонкҳои Тоҷикистон дида, ҷойи амонати хубтар надоранд. Таъсири буҳрон ба давлати мо низ дар қатори дигар давлатҳо буд ва гап-гапи ин буҳрон панҷ сол пеш расид, лекин дар ин муддати буҳронӣ мо дидем, ки нархи маҳсулоту сабзавот боло нарафт, зиёд истеҳсол шуд ва соҳибкорону деҳқонон аз фурӯши он маблағ ба даст оварданд. Истеҳсолот зиёд шуд ва мардуми оддӣ соҳиби пул шуду онро пасандоз кард.

Мӯҳр

Хабарҳои монанд:

Салима

Саидчаъфар Исмонов афсонагуи хуб аст.

Ҷавоб диҳед Иқтибос Шикоят

Бекалла

Сказочник Саидҷаъфар, кушти мардума аз хандая!! lol

Чувство юмораш баланд будааст ин мадака!! wink

Суол ҷиддист ва ҷиддӣ бояд посух дод!!
Ҳамин мардак боз раиси ҳизб ё фраксия ҳаст, ҳамтур не ми?

Ҷавоб диҳед Иқтибос Шикоят

Бекор

Мардум зиндагиша базур мебара ай кичо пасандоз мекуна

Ҷавоб диҳед Иқтибос Шикоят

qwer

Саидҷаъфар khub odama khandondide :)
Ba in afsonaatro shoyad kudaki to maktabi bovar kunad, maktabbacha ham ba in afsonaat bovar nadorad :)Салима,

Ҷавоб диҳед Иқтибос Шикоят

мехмон

Аз соли 1991 инчониб МО хеч аз кризис баромадаги нестем. Ман мардуми оддии точикро дар назар дорам.

Ҷавоб диҳед Иқтибос Шикоят

Саид

ин бародарон пасандозхои доллариро ба курси нави сомони хисоб карданд...
ин фоиз нишон медихад, ки сомони хамин кадар фоиз кохиш ефтааст

Ҷавоб диҳед Иқтибос Шикоят

Сабзи

Исмонов срочно худатонро ба психотерапевт нишон дихед. ташаккур.

Ҷавоб диҳед Иқтибос Шикоят

Ростгу

Салима,
Салима,
Дуруст гуфтед