04 мар 2016 12:30Оcиёи Марказӣ / Тоҷикистон

Э.Раҳмон квота барои қабули муҳоҷирони меҳнатӣ дар Тоҷикистонро зиёд кард

Эмомалӣ Раҳмон, раисиҷумҳури Тоҷикистон квота барои ҷалби муҳоҷирони меҳнатӣ аз хориҷи кишварро дар соли равон зиёд кардааст.

Бар асоси амри раисиҷумҳур аз моҳи феврал, ки нусхаи он дастраси “Озодагон” гардид, соли 2016 квота барои ҷалби муҳоҷирони меҳнатӣ аз хориҷи кишвар ба миқдори 8 ҳазор нафар муқаррар шудаст.

Соли гузашта квота барои муҳоҷирони меҳнатии хориҷӣ дар Тоҷикистон 4 ҳазору 800 нафар муқаррар шуда буд, ки асосан ба шаҳрвандони Чин, Афғонистон, Эрон, Туркия, Русия ва Узбакистон рост меомад.

Дар амри раисиҷумҳури Тоҷикистон таъкид шудааст, шаҳрвандони хориҷие, ки дар соҳаҳои афзалиятнок ва лоиҳаҳои инвеститсионӣ, дар асоси санадҳои байнидавлатию байниҳукуматӣ кор мекунанд, ба ин квота дохил намешаванд. Инчунин квота ба шаҳрвандони хориҷие, ки дар минтақаҳои озоди иқтисодии Тоҷикистон фаъолият мекунанд, дахл надорад.

Мӯҳр

Хабарҳои монанд:

мехмон

Агар мутахасисон аз ин квота берун бошанд чи даркор коргарони оддии бемаълумот ?? Бе ин хам 80% кувваи кории мо бе чои кор гаштаанд.

Ҷавоб диҳед Иқтибос Шикоят

Сунатулло

Аз хисобм мухочирхои точик йо мухочирхои чину мочин?

Ҷавоб диҳед Иқтибос Шикоят

TOJIK

ХА ХА ХА 1 ЧАХОН ТАШАККУР ГИЗОИ СОЛИМ ТАНОВУЛ КУНЕД ХАМВАТАНОНИ АЗИЗ

Ҷавоб диҳед Иқтибос Шикоят

Соҳибкор

Ҷаноби Олӣ, Пешвои миллат!
Мо як гуруҳ соҳибкорони тоҷик аз шумо хоҳиш дорем, ҳамин мушкилии визаи Тоҷикистон барои мутахассисони хитоӣ, туркиву эрониро осон кунед.
Дар Сафоратҳои Тоҷикистон бе шапка виза наметиҳанд. Ҳозир квота аст гуфта, пули калон талаб мекунанд. Чанд моҳ аст корхонаи хурди овардаамонро ба кор дароварда наметавонем барои он ки мутахассисҳо дар сафоратҳо виза наметиянд. Консулии МИД тамоман ҳарфамонро гуш намекунад, гуш ҳам кунанд нархшое мегӯянд ки мо барои виза он қадар маблағи бесоҳиб надорем ки диҳем.
Хоҳиш, илтиҷо, илтимоси мо ҳамин ки визаи Тоҷикистонро дар сафоратҳо гифтанашро осон кунед. Мо соҳибкоронро саргардон накунед барои ин корҳои беҳуда, впқти мо мераваду пули мо месузад.
Вазири хориҷӣ Аслов ҳам ин дарди дили моро шунаветон! Чӣ кор кунем?!
Чоп кунед Озодагон.

Ҷавоб диҳед Иқтибос Шикоят

Эзоҳ илова кунед