10 мар 2016 12:04Тоҷикистон / Иҷтимоӣ

СРУ: Маргумир дар Тоҷикистон аз Узбакистону Туркманистон бештар аст...

Хадамоти марказии кашшофии Амрико (СРУ) гузориши ҷадидашро дар мавриди нишондоди маргумир дар 225 кишвар ва қаламрави дунё нашр кардааст.

Дар гузориши нашрркардаи ин ниҳод кишварҳои ҷаҳон вобаста ба теъдоди миёнаи фавт сари 1000 сокин дар давоми як сол, раддабандӣ шудаанд.

Гузоришгарон Тоҷикистонро бо нишондоди миёнаи 6,18 марг сари ҳар 1000 сокин тайи як сол дар мақоми 156-ум қарор додаанд.

Русия бо 13,69 марг сари 1000 сокин яке аз пешсафони раддабандӣ аст. Дар ин гузориш Белорус дар мақоми 16 (13,36), Молдова – 22 (12,59), Эстония - 24 (12,40), Гурҷистон - 34 (10,82), Арманистон - 61 (9,34), Қазоқистон - 86 (8,21), Озарбойҷон - 132- (7,07), Қирғизистон - 142 (6,65), Тоҷикистон - 156 (6,18), Туркманистон - 158 (6,13) ва Узбакистон бо нишондоди 5,3 марг дар мақоми 180-ум ҷой гирифтааст.

Ба даҳгонаи кишварҳое, ки маргумир дар онҳо аз ҳама зиёд аст, Шоҳигарии Лестота (14,89), Украина (14,46), Булғористон (14,44), Гвинея-Бисау (14,33), Латвия (14,31), Чад (14,28), Литва (14,27), Намибия (13,91), Афғонистон (13,89) ва Ҷумҳурии Африқои марказӣ (13,80) ворид шудаанд.

Нишондоди аз ҳама ками маргумир дар Қатар ба қайд гирифта шудааст, ки дар ин кишвар сари 1000 сокин дар як сол 1,53 марг рост меояд.

Мӯҳр

Хабарҳои монанд:

омор

озодагон маълумоти ифлоси носанчидаро чаро нашр мекунед, шумо чи галатнависи мекунед? 4.2 нафар ба хар 1000 нафар ахоли рост меояд шумораи фавтшудагон. дигар кор надоред, жёлтая пресса?!?! дилба задед бо нашри маводхои бетахлилу ифлосу фачу дасисаангезу хоричитабъона, шумо шалаваи хоричихо хастед, ба чанд дирам фурухта шудаед?

Ҷавоб диҳед Иқтибос Шикоят

Хайрандеш

Ба омор[ бародар,агар шумо ягон омори дакик доред, пешниход кунед ва омори пешниходшударо рад намоед ва мо низ фахмем Агар надоред ,пас чи гуна гуфта метавонед, ки у нодуруст аст?

Ҷавоб диҳед Иқтибос Шикоят

Эзоҳ илова кунед