16 мар 2016 16:04Оcиёи Марказӣ / Тоҷикистон

Пажуҳиш: Узбак, туркман, қирғиз... аз тоҷикон хушбахттаранд

Тоҷикистон дар гузориши ҷадиди дараҷаи хушбахтӣ дар дунё - World Happiness Report 2016, ки зери назари Созмони Милали Муттаҳид таҳия мегардад, миёни 156 давлати дунё дар мақоми 100-ум қарор гирифтааст.

Гузоришгарон аз Донишгоҳи Колумбия шохиси зиндагӣ, розигии сокинони кишварҳо, қобилияти харидорӣ, ҳифзи иҷтимоӣ, озодиҳои шахсӣ, фасод, ташвишҳо тайи як соли гузашта ва дигар омилҳоро таҳлил карда, муайян намудаанд, ки хушбахттарин кишвари дунё Дания мебошад. Швейтсария, ки соли гузашта якум буд, имсол ба мақоми дуюм поин фаромадаст. Исландия-3, Норвегия – 4 ва Финляндия дар мақоми 5-ум ҷой гирифтаст.

Аз миёни кишварҳои ИДМ хушбахттарин афрод, сокинони Узбакистон арзёбӣ шудаанд, ки дар дар раддабандӣ миёни 156 кишвар дар ҷои 49-ум қарор гирифтааст: “Қазоқистон -54, Молдавия -55, Русия -56, Литва – 60 , Беларусия – 61, Туркманистон-63, Латвия – 68, Эстония – 72, Озарбойҷон – 81, Қирғизистон– 85, Тоҷикистон – 100, Украина -123 ва Гурҷистон дар мақоми 126-ум ҷой гирифтааст.

Мавқеи 100-уми Тоҷикистон дар раддабандии хушбахтӣ дар ҳолест, ки соли гузашта кишвари мо аз нигоҳи хушбахтӣ дар ҷои 106-ум қарор гирифтааст.
Ба даҳгонаи кишварҳои бадбахттарини дунё Мадагаскар, Танзания, Либерия, Гвинея, Руанда, Бенин, Афғонистон, Того, Сурия ва Бурундӣ шомил гардидаанд.

Мӯҳр

Хабарҳои монанд:

Шарипови Девлохами

Пажухиши бардуруг 0,0% !!! О точико ай хамада хушбахтан, кадом вакт хоханд хоб мераванд кадом вакт хоханд соати 6-7-8-9-10 а хоб мехезанд , аз хисоби профсоюзи чойи кор!!! , пул бошад любой корут бе очерад буд меша дар назди раису кози, ришвахори! Касе ба касе кор надора дар куча сархам мегардем,Салом куни чарраста меброран. хатто салом мамнуъай!!! чихел мо бадбахтем кани гуй пажухишгар???? Озодагон чоп намоед

Ҷавоб диҳед Иқтибос Шикоят

Бахт

Ба ин гуфт мо аз соли гузашта дида хушбахттар шудаем? Ман фикр мекунам, ки имсол норозигии мардум ва нокомии он аз соли гузашта дида зиёдтар шудааст.

Ҷавоб диҳед Иқтибос Шикоят

Патриот

Ба 100-умин хушбахттарин чой гирифтани Чумхурии Точикистон ба мо Точикистониён дар киёс ба соли гузашта боиси ифтихор аст. Дар баробари ин барои мо мардуми шариф боиси хушбахтии раками 1-ум ин аст, ки дар як давлати сулху субот зиндагони менамоем.

Ҷавоб диҳед Иқтибос Шикоят

Мухочир

Точикистон хушбахтиро кайхо фаромуш кардааст.

Ҷавоб диҳед Иқтибос Шикоят

Халокухалоккун

Вакте дар Узбакистон опрос мегузаронанд аз тарс вахм ва ё бемаълутотиву бехабари ва ё бефарки аксараш шикамамон нимсеру чон сиххат бошад гуфта эхсоси хушбахтии худро баён мекунанд дар холе ки чунин нест зеро ин танхо як эхсоси ботил хаст. хамчунонки баъзе эхсос мекунанд доно ва тавоно хастанд ин факат як эхсос хаст ва ё бештари мардуми точикистон хам гумон мекунанду эхсос мекунанд ки хамаи покихо дар дин хусусан дини ислом аст, дар холе ки боз хам чунин нест мардуми мусалмонзода ва ё динро танхо ба ирс гирифта хама бо эхсос хулоса мекунанд на бо мантик ва акл ва вокеиятхо бинобарин наметавон ба ин омор эътимод кард. Кишвархои мутараккии чахон кайхо ин эхсосро ба гушахои фаромуши супурдаанд ва бо вокеиятхо ва масоили аклпазиру хирадмеёър месозанд каноат мекунанд мезиянду мезоянд.

Ҷавоб диҳед Иқтибос Шикоят

Эзоҳ илова кунед