Баъди қонуни танзим: Тоҷикон дар Қирғизистон тӯй мекунанд (АКС)
Сокинони навоҳии наздисарҳадии Тоҷикистон дар пайи қабули қонуни танзим бисёри тӯю маъракаҳои худро дар қаламрави Қирғизистон баргузор мекунанд.
Дар ин бора “Open Asia” баъди шиносоӣ бо ҳаёти сокинони навоҳии Бобоҷон Ғафурови Тоҷикистон ва Лайлаки Қирғизистон хабар додааст. Манбаъ аз дӯстӣ ва равобити хуби сокинони ин ду навоҳии ҳамсоя тавсиф карда, таъкид намудааст, ки ғаму шодиро бо ҳам мегузаронанд: “Барои он, ки аз маҳаллаи Хистеварзи Тоҷикистон ба қаламрави Қирғизистон равӣ, убури роҳи мошингузар кофист. Ин ҷо гузаргоҳҳо ва симхорҳо вуҷуд надоранд”.
Ба иттилои манбаъ тоҷикон аксари тӯйу маъракаҳояшонро дар қаламрави Қирғизистон мегузаронанд, зеро дар қаламрави Тоҷикистон қонуни танзими ҷашну маросимҳо амал мекунад: “Ин қонун, ки соли 2007 қабул гардид, теъдоди меҳмонон ва ҷашнҳоро танзим мекунад. Аз ҷумла теъдоди меҳмонон барои тӯйи арӯсӣ 150 нафар ва барои хатнатӯй то 60 нафар маҳдуд шудааст”.
Маъракаҳои мамнуъ дар Тоҷикистон:
“Open Asia” менависад, тоҷикон, ки одатан оилаҳои калон доранду бо наздикони дурашон низ робитаи қавӣ доранд, барои даъвати ҳамаи меҳмонон тӯйу маъракаҳояшонро дар Қирғизистон мегузаронанд, ки ин ҷо қонуни танзим амал намекунад: “Тӯйхонаи наздисарҳадии “Раъно” бо 350 ҷои нишаст айни ҳол дар таъмир аст. Соҳибонаш ба мавсими тӯйҳо омодагӣ дида истодаанд. Кормандони тӯйхона мегӯянд, тоҷикон дар ин тӯйхона меҳмонони доимиянд”.
Ба иттилои гузоришгарон ҳаққи хизмати тарабхонаи дигар бо 220 ҷои нишаст баробари 2 ҳазор доллар аст, ки барои тӯйдорони тоҷик маблағи калон нест.
“Open Asia” менависад, тоҷикон на танҳо барои тӯй, балки барои дигар молҳои ниёзашон низ ба Қирғизистон меоянд, зеро ин ҷо нархҳо арзонтаранд ва бисёри мағозаҳои наздисарҳадӣ нархҳояшонро ҳам бо сом ва ҳам бо сомонӣ нишон медиҳанд: “Аз ҷумла як гусфанде, ки дар қаламрави Қирғизистон 100 доллари амрикоӣ арзиш дорад, дар Тоҷикистон бо нархи 150 доллар фурӯхта мешавад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |