АКС: Эмомалӣ Раҳмон бинои нави Сафорати Тоҷикистон дар Абу Забиро ифтитоҳ кард
Эмомалӣ Раҳмон, раисиҷумҳури Тоҷикистон дар охирин рӯзи сафараш ба Имороти муттаҳидаи Араб бинои нави Сафорати Тоҷикистон дар Абу Забиро ифтитоҳ кард.
Дафтари матбуоти Президент мегӯяд, баъди буридани лентаи рамзӣ Эмомалӣ Раҳмон бо шароити кори масъулини сафорат ошно гардид: “Бинои сафорат дар шаҳраки намояндагони корпусҳои дипломатии Абу Забӣ бунёд шуда, ба талаботи рӯз ҷавобгу аст”.
Ба иттилои манбаъ, бино аз 3 ошёна ва утоқҳои барҳаво иборат буда, дари даромад ва пешайвон бо нақшу нигори миллӣ аз ҷониби устоҳои тоҷик ороиш дода шудааст: “Ба Сарвари давлат Эмомалӣ Раҳмон иттилоъ доданд, ки дар паҳлуи бинои сафорат як иморати дигари дуошёна бо шароити мусоиди зист барои кормандон сохта шудааст. Ин тадбир имкон фароҳам меорад, ки масъалаи таъмини манзили зисти намояндагони сафорат ҳам ҳал гардад”.
Сохтмони бинои сафорат аз моҳи сентябри соли 2014 аз ҷониби ширкати “Висом Ал-Авдӣ” оғоз ёфта, корҳои рангу бор ва ороиши биноро устоҳои тоҷик иҷро кардаанд.
Дафтари матбуоти раисиҷумҳури Тоҷикистон мегӯяд, Эмомалӣ Раҳмон бо иштирокчиёни маросими ифтитоҳи сафорат, намояндагони корпусҳои дипломатии муқими Абу Забӣ ва ҳамватанони мо, ки дар иморот кору зиндагӣ мекунанд, мулоқот кардааст.
Эмомалӣ Раҳмон субҳи 16 март бо як сафари расмӣ озими Имороти муттаҳидаи Араб шуда, ин сафарро бо ифтитоҳи бинои сафорат ба поён расонд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |