Ҳалокати мусофирони Боинг-737 дар Русия ва номаи ҳамдардии Э. Раҳмон ба Путин (ВИДЕО)
Эмомалӣ Раҳмон, раисиҷумҳури Тоҷикистон дар робита ба суқути ҳавопаймои мусофирбар дар Ростови лаби Дон унвонии ҳамтои русаш -- Владимир Путин барқияи таслият ирсол кардааст.
Дар ин нома аз ҷумла гуфта мешавад, “хабари садамаи мудҳиши ҳавопаймои мусофирбар дар фурудгоҳи Ростови лаби Дон, ки боиси марги даҳҳо нафар одамон гардид, ба изтироб овард. Аз номи Ҳукумат ва мардуми Ҷумҳурии Тоҷикистон ба Русияи дӯст ҳамдардии амиқ изҳор медорам.
Аз Шумо, муҳтарам Владимир Владимирович, хоҳишмандам, ки ҳамдардии моро ба пайвандону наздикони ҳалокшудагон расонед”.
Дар пайи суқути ҳавопаймои мусофирбари Боинг-737 дар Русия 61 нафар ба ҳалокат расидааст. Бино ба иттилои расонаҳои русӣ, ин ҳодиса субҳи имрӯз, 19 март ҳангоми дар фурудгоҳи шаҳри Ростови Русия поин шудани ҳавопаймо рух додааст.
Бар асоси хабари расонаҳо, ин ҳавопаймо, ки ҳомили 55 мусофир ва 6 узви ҳайати парвоз буд, аз шаҳри Дубайи Имороти муттаҳидаи Араб ба Ростови лаби Дон меомад. Сабаби аслии суқути ҳавопаймо эълон нашудааст, аммо гуфта мешавад, ба эҳтимоли зиёд вазъи номусоиди обу ҳаво ба ин сабаб шудааст.
Расонаҳо мегӯянд, бештари мусофирони Боинг шаҳрвандони Русия буда, миёни онҳо се шаҳрванди Украина ва як нафарӣ аз Узбакистону Ҳиндустон низ будаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |