Ҷузъиёти нави ҳамлаи гуруҳи Наҷиб ба роҳсозони Тоҷикистон
Манобеи “Озодагон” аз ҳамлаи гуруҳи мусаллаҳ аз қаламрави Афғонистон ба Тоҷикистон хабар дода, афзуданд, шаҳрвандони мулкӣ ҳадаф қарор гирифтаанд.
Манбаъ мегӯяд, ҳамлаи мусаллаҳона зуҳри имрӯз, 25 март, тақрибан соати 14:00 рух дода, роҳсозони минтақаи Шоҳони ноҳияи Шамсиддини Шоҳин ҳадафи силоҳбадастон қарор гирифтаанд: “Гуруҳ зери роҳбарии Наҷиб, як қочоқбари афғон ҳамла карда, баъди тирпаронӣ кормандони ширкати туркиро аз Тоҷикистон ба гаравгон гирифта, бо худ бурдаанд. Теъдоди ҳамлагарон тақрибан 6-7 нафар будааст, ки феълан ба қаламрави Афғонистон ақибнишинӣ кардаанд”.
Манбаъ таъкид намуд, ду нафаре, ки ба гаравгон гирифта шудаанд, дар ширкати роҳсози туркӣ ба ҳайси ронанда ва лаборант кор мекардаанд: “Онҳо шаҳрвандони Тоҷикистон, кормандони ширкати роҳсозии туркӣ мебошанд, ки бозсозии роҳи минтақаи Шӯрообод-Шоҳонро ба уҳда дорад”.
Дар мавриди маҷруҳону ҳалокшудаҳо феълан иттилои зиддунақиз ироа мегардад. Бархе аз манобеи “Озодагон” дар дақиқаҳои аввали баъди ҳамлаи мусаллаҳона аз эҳтимоли ҳалок шудани ду роҳсози тоҷик хабар доданд. Манобеи дигар изҳор медоранд, ин ҳамла кушта дар пай надошт ва танҳо як роҳсози тоҷик ҷароҳати вазнин бардоштааст.
Манбаи “Озодагон” гуфт, баъди дақиқ шудани тафсилоти бештар маълумоти иловагиро ироа хоҳад кард.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |