28 мар 2016 11:44Тоҷикистон / Иқтисодӣ

Ҳукумат истироҳатгоҳи “Шоҳамбарӣ”-ро ба фурӯш гузошт

Ҳукумати Тоҷикистон барои фурӯши истироҳатгоҳи “Шоҳамбарӣ”, ки дар ҷамоати Алмосии ноҳияи Ҳисор ҷойгир аст, музоядаи байналмилалӣ эълон кардааст.

Тавре аз Кумитаи давлатии сармоягузорӣ ва идораи амволи давлатӣ ба “Озодагон” иттилоъ доданд, нархи аввалияи истироҳатгоҳ 3 миллиону 100 ҳазор сомонӣ муайян шуда, музоядаи фурӯши он 22 апрел дар бинои Кумита баргузор мегардад. Манбаъ таъкид кард, ки қарзҳои истироҳатгоҳ дар назди буҷа, молрасонҳо ва кормандонаш ба ҳолати 1 июли соли 2015 беш аз 532 ҳазор сомониро ташкил медиҳад.

Тибқи шартҳои муайяншуда соҳибмулки нав муваззаф мешавад, ки дар баробари пардохти қарзҳо давоми се соли оянда даҳҳо миллион сомониро барои беҳбуд ва густуриши фаъолияти истироҳатгоҳ сармоягузорӣ кунад. Кумитаи сармоягузорӣ мегӯяд, афроди хоҳишманд метавонанд то рӯзи 21 апрел барои иштирок дар музоядаи фурӯши истироҳатгоҳи “Шоҳамбарӣ” ҳуҷҷат пешниҳод намоянд.

Мӯҳр

Хабарҳои монанд:

Кухистони

ХА ха ха баъзеша аз мардум мегирану ба ихтиёри хукумат медиханд ва баъзеша ба фуруш мегузоранд. Боз як спектакл. Мехаридаги одам кайхо маълум аст, мисли тендрхои сохтумони, ки пудрадчи кайхо маълуму лек тендр-спектакл мекунанд. Агар чунин набошад боз ба хукуматдорон пул лозим шудааст. Мефурушанд ва бади чандсол мисли Цум ва осоишгох дар Кайрокум барин, ба хисоби дастгох медиханд боз кашида мегиранд. Ман ба хар хол фикр мекунам, ки ин спектакл мебошад ва кадом аз худашон мехаранд. Мебинем, ки мехарад. Албата сохибмулки ояндаро Озодагон аник карда гуед.

Ҷавоб диҳед Иқтибос Шикоят

Донёр

Боз зери чашми кадом мансабдоре галтид, шумохо аз нав сохта наметавонед ?

Ҷавоб диҳед Иқтибос Шикоят

Эзоҳ илова кунед