Қатли ду солхӯрдаи тоҷик дар як рӯз
Вазорати умури дохилии Тоҷикистон аз ошкор шудани ду ҳодисаи куштор хабар дод, ки рӯзи 27 март содир гардидаанд.
Тибқи иттилои ин ниҳод муайян шуд, ки марди 26-сола, сокини ноҳияи Ҳисор шаби 27 ба 28 март тақрибан соати 01:00 дақиқа бо мақсади ғорат ба қаровули 62-солаи корхонаи коркарди чӯбу тахтаи “Ар-ар”-и ин ноҳия ҳамла карда, бо корд 22 бор ба ӯ зарба задаст: “Дар пайи қатли бераҳмонаи қаровул муттаҳам сандуқи оҳанини қаровулхонаро кофтукоб мекунад, вале маблағе пайдо накарда, аз анбори корхона як бастаи арраи оҳанбуриро дуздида, аз ҷойи ҳодиса ғайб задааст”.
Вазорати умури дохилӣ мегӯяд, ҳодисаи дигари куштор дар пайи муноқишаи хонаводагӣ 27 март дар шаҳри Конибодом ба қайд гирифта шудааст: “27 март, тахминан соати 01:00 дақиқа марди 41-сола, сокини шаҳри Конибодом дар хонаи истиқоматиаш аммаи 62-солаашро латукӯб намуда, бӯғӣ кардааст. Дар натиҷа, зани солхӯрда ҷароҳатҳои вазнини ҷисмонӣ бардошта, дар беморхона ба ҳалокат мерасад”.
Мақомоти умури дохилӣ мегӯянд, феълан тафтиши парвандаҳои ҷиноӣ аз рӯи ин ҳодисаҳо идома дорад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |