04 апр 2016 10:43Оcиёи Марказӣ / Тоҷикистон

Мавқеи 153-юми Тоҷикистон дар феҳрасти кишварҳои бой

Маҷаллаи амрикоии “Global Finance Magazine” рӯйхати бойтарин кишварҳои ҷаҳонро нашр карда, Тоҷикистонро миёни 185 давлат дар ҷойи 153-юм қарор додааст.

Гузоришгарон мегӯянд, кишварҳои ҷаҳонро бо назардошти маҷмӯи маҳсулоти дохилӣ ба сари ҳар сокин раддабандӣ кардаанд: “Маҷмӯи маҳсулоти дохилии Тоҷикистон сари ҳар сокини кишвар 2,8 ҳазор долларро ташкил медиҳад, ки камтарин нишондиҳанда миёни кишварҳои Осиёи Марказӣ мебошад”.

Global Finance Magazine Қатарро бойтарин кишвари ҷаҳон номида, афзудааст, ки маҷмуи маҳсулоли дохилии ин кишвар ба сари ҳар сокинаш ба 146 ҳазор доллар баробар аст. Дар ҷойи дуюм - Люксембург (94176$), дар зинаи сеюм- Сингапур (848214) қарор гирифтаанд.

Аз миёни кишварҳои Осиёи Марказӣ Қазоқистон ҷойи 50-ум, Туркманистон-77, Узбакистон-127 ва Қирғизистон мавқеи 142-юмро соҳиб шудаанд. Ба рӯйхати 25 кишвари бойтарин Бруней, Қувайт, Норвегия, Аморати Муттаҳидаи Араб, Ҳонконг, ИМА, Шветсария, Арабистони Саудӣ, Баҳрайн, Нидерландия, Ирландия, Австралия, Австрия, Шветсия, Олмон, Тайван, Канада, Дания, Умон, Исландия, Белгия ва Фаронса шомиланд. Кишварҳои Ҷумҳурии Африқои Марказӣ (185), Конго (184), Малавӣ (183) дар зинаи охири раддабандӣ қарор гирифта камбизоаттарин кишварҳои ҷаҳон унвон шудаанд. Ба иттилои манбаъ, раддабандии бар асоси иттилои Бонки ҷаҳонӣ ва Хазинаи байналмилалии асъор тартиб дода шуда, гузоришгарон зимни раддабандӣ қобилияти харидории ҳар сокин, сатҳи зиндагӣ ва таваррумро дар кишварҳо ба назар гирифтаанд.

Мӯҳр

Хабарҳои монанд:

Булбул

Тахлилгарон дуруг мегуянд.Точикистон камаш кати дар чои панчум е шашум бошад..Ин кадар ватани ободу серу пуру тенчу зебо дар руи дуне нест!!!

Ҷавоб диҳед Иқтибос Шикоят

byone

булбул !!! дар дунё кишвархои бой, обод хеле бисёранд. ....бафикрам т факат а точикистон бохабари. .....хуб мешуд каме географияро хони Булбул,

булбул! !!дар дунё давлатхои ободу зебову тинч хеле бисёранд. ...хуб мешуд агар каме географияро хони....

Ҷавоб диҳед Иқтибос Шикоят

Папугай

Булбул,
булбулҷон неки гап доди ба ҷоизаи давлатии Спитамен дараҷаи 1 пешбари карда шавад! 1 буро ису усу парвоз кун булбулҷон бад ободира мебини!

Ҷавоб диҳед Иқтибос Шикоят

Кухистони

Аз руи оне ки Раиси Чумхур хар руз дар сафархояш, маълумот медихад, гуё ки аз пайдоиши чойхои корию махсулоти истехсоли, Точикистон дар чои аввал меистад. Хайрият, ки ин радабандихои хоричи аст. Мо дар осиёи миёна дар чои охир карор дошта ва дар чахон дар чои кариб ки охирем. Боз чог мезанем, ки мо зиндагии хум дорем. Агар пеши рохи андозу корубцияву счётный полатаро хукумат мегирифт, ки сохибкорони истехсолотро акалан гам намедодан, мумкин мо низ пеш мерафтем. Холо раиси чумхур дар гап як чизро мегуяду дар асл вазъият дигар аст. Шугронаи ахли давлата карда шиштем, ки кай тагирот дар ин макомотхо мешаваду адолат чори мешавад.

Ҷавоб диҳед Иқтибос Шикоят

Эзоҳ илова кунед