05 апр 2016 10:09Тоҷикистон / Иҷтимоӣ

Баҳси номгузорӣ, либоси ягона ва мусиқии гӯшхарош дар ҷаласаи Убайдуллоев

Маҳмадсаид Убайдуллоев, раиси шаҳри Душанбе ба Абдулҳақ Алиев, раиси «Душанбенақлиётхадамотрасон» ва Файзиддин Камолов, сардори раёсати Хадамоти давлатии назорат ва танзим дар соҳаи нақлиёти пойтахт охирин танбеҳ эълон намуда, барои ислоҳи камбудиҳои соҳаи нақлиёт як моҳ муҳлат муқаррар кардааст.

Тавре аз дафтари матбуоти шаҳрдорӣ ба “Озодагон” иттилоъ доданд, Убайдуллоев дар ҷаласаи рӯзи 4 апрел ба ду масъули танбеҳгирифта, дастур додааст, ки давоми як моҳ сару либоси ҳатмии ронандагӣ ҷорӣ карда шавад. Раиси Душанбе инчунин хостори ҷилавгирӣ аз пахши мусиқиҳои гӯшхарош дар тамоми воситаҳои нақлиёти ҷамъиятии хизматрасон новобаста аз шакл ва тобеияти идоравӣ шуда, таъкид намудааст, ки маҳаллаҳои воридгардида ба марзи Душанбе бо хатсайрҳо фаро гирифта шаванд. Убайдуллоев инчунин муқаррар намудаст, ки минбаъд дар марзи шаҳр тағйирдиҳии хатсайр ва ё ташкили хатсайри нави нақлиёти ҷамъиятӣ бидуни мавҷуд будани қарори раиси шаҳри Душанбе манъ мебошад.

Дар баробари баррасии масъалаҳои дигар Убайдуллоев ба номгузории маҳаллаю кӯчаҳо дар пойтахт дахл карда, дастур додааст, ки зимни номгузорӣ ва номивазкунии маҳалла, кӯча, майдон, хиёбон, боғ, пул ва дигар қисмҳои таркибии маҳалҳои аҳолинишини шаҳр, қабл аз ҳама ба пешниҳоди сокинони маҳалҳо такя карда шавад: “Баъдан бо интихоби номҳои аз нигоҳи мантиқу таърих ва фарҳанги миллӣ омӯзанда, лоиҳаи қарорҳои дахлдорро барои тасдиқ ба Маҷлиси вакилони халқи шаҳри Душанбе манзур созанд”.

Мӯҳр

Хабарҳои монанд:

Душанбенец.

Канд занед раиси шахр. Шумо аз аввал оиди кор чидди муомила мекардед. Афсус, ки шумо низ побастаи сиёсати хукумати боло хастед.

Ҷавоб диҳед Иқтибос Шикоят

Баха

Дигар кор нест боз номи куча ивазкуни боз 20 сомони супоред дар пушти паспорт номи кучаатонро иваз мекунем....

Ҷавоб диҳед Иқтибос Шикоят

VATANDOR

"дастур додааст, ки давоми як моҳ сару либоси ҳатмии ронандагӣ ҷорӣ карда шавад"- Э вой бар ҳолат миллат!!! Рафиқ Убайдуллоев!! ба ҷои ҳамин либос мегуфтед як-ду сомони ҳамин ронандаҳои бечора ҷамъ мекарданд.Шояд бо пули онҳо корҳои роҳсозии даруни шаҳр тезтар ба поён мерасиду саҳари пагоҳ роҳҳо пробка намешуд.Аз соле, ки ман худро мешиносам ҳамин мости 46 ҳар сол як маротиба таъмир мешавад.Дар шаҳри Лондон як мост соли 1820 сохта шуда дарозиаш 800 метр аст, ки то ҳол таъмир нашуда истифода мегардад. Бас будагист пули буҷаро харҷи беҳуда кардан.

Ҷавоб диҳед Иқтибос Шикоят

Саид

Рахмат раис проблемаи асоси ин аст хар руз мусофиронро фиреб медиханд. Ба чои 1 сом 60 дирам 2 сом мегиранд.

Ҷавоб диҳед Иқтибос Шикоят

с.з.м.

Агар раисони шахру нохияхо 30 фоиз кори Убайдуллоевро кунанд Точикистони мо обод мешавад. Зинда бод раиси шахр.

Ҷавоб диҳед Иқтибос Шикоят

Эзоҳ илова кунед