06 апр 2016 12:09Тоҷикистон / Сиёсат / Рӯ ба рӯ / Тема дня

Ҳушдори Кумитаи амният аз хатари “дрон”-у ҳавопаймоҳои бесарнишин

Кумитаи амнияти миллии Тоҷикистон мегӯяд, содироту воридот ва харидуфурӯши беназорати дронҳои наворбардорию ҳавопаймоҳои бесарнишин ба амнияти кишвар хатар дорад.

Мансурҷон Умаров, муовини якуми раиси Кумитаи амнияти миллии Тоҷикистон имрӯз, 6 апрел зимни ҷаласаи парлумон изҳор дошт, ки гуруҳҳои нашъаҷаллоб ва террористӣ метавонанд бо истифода аз ҳавопаймоҳои бесарнишин барои Тоҷикистон хатар эҷод кунанд. Умаров бо зикри ин таҳдид, тағйиру иловаҳо ба Кодекси фазои ҳавоии Тоҷикистонро муаррифӣ кард, ки бар асоси он воридоту содирот, дастрасӣ ба ҳавопаймоҳои бесарнишин, хариду фурӯши онҳо назорат карда мешавад.

Ба суоли “Озодагон”, ки оё тағйироти мазкур ба “дрон”-ҳои наворбардорӣ низ рабт доранд, Умаров посух дод, ки “дронҳо” низ зери назорат гирифта мешаванд. Ӯ гуфт, ки бархе дронҳо то квадракоптерҳое ҳастанд, ки метавонанд то 15 кило борро бардоранд ва метавонанд барои интиқоли маводи мухаддиру тарканда истифода шаванд: "Воридоти ҳавопаймоҳое, ки характери гражданӣ доранд, бо мақомоти авиатсияи гражданӣ мувофиқа карда мешавад. Дигарҳояш бо Вазорати мудофиа ҳамоҳанг карда мешавад".

Ба суол, ки оё то ҳол ягон ҳавопаймои бесарнишин ғайриқонунӣ вориди Тоҷикистон шудааст ё на, муовини раиси Кумитаи амният посух дод, ки чунин ҳолат сабт нагардидааст. Ӯ танҳо чанд ҳолати вуруди ғайриқонунии ҳавопаймоҳои шаҳрвандиро ба фазои Тоҷикистон тасдиқ кард.

Маҷлиси намояндагони Тоҷикистон дар пайи баррасӣ, тағйироти пешниҳодшуда ба Кодекси фазои ҳавоии кишварро қабул намуд.

Мӯҳр

Хабарҳои монанд:

Инро аз бекори кадукори мегуянд.

Ҷавоб диҳед Иқтибос Шикоят

точир

Синабандакро хам хам манъ кунед, яке дар дарунашон камера надошта бошанд!!!!!!!!!!!!!!!!!!!!!!!!!!!!!!!!!!!!!!!!!!!

Ҷавоб диҳед Иқтибос Шикоят

Худӣ

Аз ҳамон кас пурсед, боз бисёр роҳҳои гузаронданро медонад.
Аз думболи ришу сатр камтар шавед, сарҳадро маҳкам доред.
Шармандагӣ аст дар дохили хоки худатон даромада гражданҳоятонро заложник гирифта ба он тарафи сарҳад мебаранд.
Вакилони муҳтарам, аз Умаров напурсидед ки чӣ хел чунин ҳодисаҳо руй медиҳанд?

Ҷавоб диҳед Иқтибос Шикоят

Бахтиёр

Аз Россия системаи С-300 ё С-400 (Триумф) харид намуда дронхоро шапидан гиред...

Ҷавоб диҳед Иқтибос Шикоят

Дехоти

Ба кумитаи амнияти Ч.Т. Дар тамоми чахон видёкамерахои парвозкунанда барои нигохбонии кишоварзиашон моликияту чорвоашон хизмат мекунад дар мо маън кунед. О амният дар даврае, ки пешрави босуръат идома дорад, каме кор кунад да. Умуман аз як чихат гуфтаи онхо низ кобили кабул аст. Холо точикистон дар асри 18- карор дорад. Барои Ч.Т . ин апаратураи муосир чой надорад, чунки дар асри 18- ин апаратура набуд. Бади ягон 300 сол бад мумкин.

Ҷавоб диҳед Иқтибос Шикоят

Саида

Ташаккур ба КДАМ барои ин амал! Бархе касон дар куруту мавизу гулинг маводи мухаддир чой мекунанд, ки медонад бо ин аппаратхои парвози чи кор хоханд кард. Ман хам тарафдори кабули чунин карор хастам. Ин барои амнияти мо ва кишвари мост.

Ҷавоб диҳед Иқтибос Шикоят

Алишер

Рохбарони азиз мо аз кучо ичозатномаи дронхоро дастрас кунем 3-мох мешавад мо дрони худро аз амния гирон наметонем.

Ҷавоб диҳед Иқтибос Шикоят

Эзоҳ илова кунед