12 апр 2016 12:30Тоҷикистон / Рӯ ба рӯ / Тема дня

Хонаи сеҳуҷрагӣ ва 40 400 сомонӣ барои беҳтаринҳои маорифи Душанбе

Маҳмадсаид Убайдуллоев, раиси шаҳри Душанбе, ғолибони озмунҳои шаҳрии Мактаб, Директор, Муаллим, Кӯдакистон, Мудир, Мураббӣ, Синф ва Волидайни беҳтарини соли 2015-ро бо ҷоизаҳо қадрдонӣ кардаст.

Тибқи иттилои шаҳрдорӣ ба ғолиби озмуни «Мактаби сол-2015» - коллективи меҳнатии муассисаи таҳсилоти миёнаи умумии № 52-и ноҳияи Исмоили Сомонӣ, ки директораш Шарипова Нигора мебошад, дар кӯчаи Беҳзод-32 хонаи сеҳуҷрагӣ тақдим шуд.

Ғолиби озмуни «Директори сол-2015» - директори мактаби № 28 Ғаниева Гулчеҳра бо 3000 сомонӣ, ғолиби озмуни «Муаллими сол-2015» - муаллимаи фанни химияи гимназияи №74 Бозорбоева Наргиз бо 2000 сомонӣ қадрдонӣ шудаанд.

Дар бахши “Кӯдакистони сол -2015» - кӯдакистони № 98 ноҳияи Сино, мудираш Имомова Уронбибӣ ғолиб дониста шуда, соҳиби 3000 сомонӣ гардидааст: “Ғолиби озмуни «Мудири кӯдакистони сол-2015» - мудири кӯдакистони № 1 ноҳияи Шоҳмансур Набиева Ҷамила дар ҳаҷми 2000 сомонӣ ва ғолиби озмуни «Мураббии сол-2015» - мураббии хонаи кӯдакони синни томактабии №1 шаҳри Душанбе Акрамова Махфират 1500 сомонӣ мукофотпулӣ гирифтаанд”.

Синфи беҳтарини соли 2015 хонандагони синфи 11«а»гимназияи №2 барои хонандагони болаёқати шаҳри Душанбе эътироф шуда, роҳбари ҳамин синф Алматова Гулбаҳор бо 1000 сомонӣ ва ҳар 27 хонандаи синф бо 400 сомонӣ қадрдонӣ шудаанд.

Сатторов Искандар, аз муассисаи таълимии таҳсилоти миёнаи умумии № 93 ноҳияи Сино беҳтарин волидайни сол эълон шуда, соҳиби 5000 сомонӣ мукофотпулӣ шудааст.

Раиси шаҳри Душанбе инчунин бархе аз иштирокдорони озмунро барои фаъолияти пурмаҳсул дар таълиму тарбияи насли наврас бо 700 сомонӣ қадрдонӣ кардааст.

Мӯҳр

Хабарҳои монанд: