Донишҷӯи тоҷик доруи зидди ҷоғару диабети қанд таҳия намудааст
Як донишҷӯи 22-солаи Донишгоҳи технология ва менеҷмент дар шаҳри Кӯлоб мегӯяд, доруе омода кардааст, ки ба дарди ҷоғар даво мебахшад.
Фаридун Ҷумаев ба “Озодагон” гуфт, баъди он барои таҳия ин дору дастбакор шуд, ки бештар аз як сол аз бемории ҷоғар азият кашид ва ҳеч доруе фоидааш накард. Ӯ мегӯяд, доруро, ки дар шакли сироп омода шудааст, нахуст дар худаш таҷриба намуд: “Давоми як ҳафта ҷоғар хурд шудан гирифт ва рӯзи 28-ум комилан аз байн рафт”.
Ба қавли Фаридун, баъдан доруро барои истифода ба аммааш, ки низ бемории ҷоғар дошт, пешниҳод кард ва дар 28 рӯз бидуни ҷарроҳӣ сиҳат шуд. Доруи сохтаи ин донишҷӯ аз чормағз, пардаи байни он ва барги чормағз таҳия шудааст.
Ин донишҷӯ доруе ҳам барои табобати диабети қанд омода кардааст ва мегӯяд, Вазорати тандурустӣ ва ҳифзи иҷтимоии Тоҷикистон ин ду доруро пазируфта, барои истеҳсолу фурӯши онҳо иҷозат додаст. Ӯ қасд дорад, дар оянда доруҳоро дар шакли ҳаб низ таҳия созад.
Фаридун Ҷумаев гуфт, ҳоло дар саддади таҳияи чор доруи дигар, бо шумули сироп барои муолиҷаи захми меъдаву пӯст ҳаст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |