Мулоқоти Эмомалӣ Раҳмон бо шарики шветсарии ТАЛКО
Эмомалӣ Раҳмон, раисиҷумҳури Тоҷикистон бо Айван Глазенберг, директори генералии Ширкати байналмилалии «Гленкор» -и Шветсария, яке аз шарикони корхонаи алюминиюми Тоҷикистон “ТАЛКО” густариши ҳамкориҳоро баррасӣ кардааст.
Тавре аз дафтари матбуоти раисиҷумҳури Тоҷикистон ба “Озодагон” иттилоъ доданд, Эмомалӣ Раҳмон фаъолияти ширкати «Гленкор» дар Тоҷикистон ва ҳамкории он бо “ТАЛКО”-ро муҳим арзёбӣ намуда, таъкид кардааст, ки ҳанӯз ҳам дар раванди пешбурди муносибатҳои ҳамкорӣ имконоту иқтидорҳои истифода нашуда зиёд ба назар мерасанд.
Ба иттилои дафтари матбуоти раисиҷумҳури Тоҷикистон ширкати байналмилалии «Гленкор» -и Шветсария аз соли 2007 инҷониб бо Корхонаи воҳиди давлатии «Ширкати алюминии тоҷик» шартномаи ҳамкорӣ дошта, дар таъмини эҳтиёҷоти ин корхонаи бузурги саноатии мамлакат бо гилхок ва алюминийии аввалия саҳм мегузорад: “Ҷонибҳо ба таври муфассал доир ба таҳкими ҳамкорӣ ҷиҳати баланд бардоштани иқтидори истеҳсолии корхонаҳои саноатӣ ва афзун кардани ҳаҷми сармоягузорӣ дар иқтисодиёти Тоҷикистон табодули афкор намуданд”.
Ин дуюмин мулоқоти Эмомалӣ Раҳмон бо раҳбарияти “Гленкор”-и Шветсария тайи ду соли охир мебошад. Қаблан дафтари матбуоти раисиҷумҳури Тоҷикистон аз тасмими “Гленкор” барои навсозии технологии КВД “Ширкати алюминийи тоҷик” ва густариши иқтидори истеҳсолии он хабар дода буд.
Мақомоти Тоҷикистон соли 2014-ум Гленкорро аз довталабони асосии кор дар Кони Мансур хонда, таъкид намуда буданд, ки роҳбарияти он азм дорад, дар истихроҷу коркарди захираҳои фаровони нуқра, мис ва дигар маъданҳои Тоҷикистон саҳм гузорад, аммо иқдоми назарраси ширкат дар ин самт то ҳол амалӣ нашудаанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |