Ҷазои доварони тоҷик, ки хатояшон натиҷаи бозиро тағйир дод
Кумитаи доварони Федератсияи футболи Тоҷикистон, ду довар ва ду нозири бозиҳои Лигаи олиро барои иштибоҳашон аз ҳаққи иштирок дар ду вохӯрии минбаъда маҳрум сохт.
Ба иттилои торнамои ФФТ довар Насрулло Кабиров аз шаҳри Норак дар вохӯрии байни дастаҳои КМВА “Помир” ва “Хуҷанд” дар ду маврид ба хатоӣ роҳ дод, ки он ба натиҷаи бозӣ таъсири амиқ расонд: “Инчунин Исмоил Нуралиев, ёвари довари вохӯрии байни дастаҳои “Ҳосилот” ва “Барқчӣ” ҳам ба иштибоҳ роҳ додааст”.
Манбаъ мегӯяд, Кумита баъди тамошои навори ин вохӯриҳо ба хулосае омад, ки Насрулло Кабиров ва Исмоил Нуралиевро аз ҳаққи иштирок дар ду бозӣ маҳрум кунад.
“Нозирон Насриддин Азизов ва Аюбҷон Солиев бошанд, барои дуруст ташкил накардани бозӣ ва беаҳамиятияшон дар вохурии дастаҳои “Ҳосилот” -“Барқчӣ”, ва “Парвоз” - “Регар ТадАЗ” аз нозирии ду вохӯрӣ дар бозиҳои Лигаи олӣ маҳрум шуданд”- тасмим гирифтааст Кумитаи доварони ФФТ.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |