Гаркун раиси нозирони ИДМ дар раъйпурсии Тоҷикистон таъин шуд
Кумитаи иҷроияи Иттиҳоди Давлатҳои Мустақил мегӯяд, Владимир Гаркун, раиси ҳайати нозирони кишварҳои ИДМ дар раъйпурсии умумихалқии 22 май дар Тоҷикистон таъин шуд.
Тибқи иттилоияи ин ниҳод номзадии Владимир Гаркун, ки ноиби раиси Кумитаи иҷроияи ИДМ мебошад, аз ҷониби намояндагони доимии кишварҳои узви ин созмон тасдиқ шудааст: “Ташкили ҳайати нозирони ИДМ феълан идома дорад ва ба он намояндагони тамоми кишварҳои узви ин созмон ворид хоҳанд шуд”.
Раъйпурсии мардумӣ барои тағйири Сарқонуни Тоҷикистон 22 май дар назар аст. Ахиран Комиссияи марказии интихобот ва раъйпурсии Тоҷикистон шакли бюллетени раъйпурсиро тасдиқ намуд, ки дар он суол гузошта мешавад: "Оё Шумо тағйиру иловаҳоро ба Конститутсияи (Сарқонуни) Ҷумҳурии Тоҷикистон қабул мекунед? Дар пайи суол ду тарзи ҷавоб - «ҲА» ва «НЕ» чоп карда мешаванд". Ироаи як суол дар ҳолест, ки тағйирот ба ҳудуди 40 моддаи Сарқонун дар назар мебошад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |