20 апр 2016 17:13Тоҷикистон / Сиёсат

Пажуҳиш: Бештари сокинони манотиқи сарҳадӣ хабарҳои марзро аз расонаҳои хусусӣ мегиранд

Бештари сокинони манотиқи марзии Тоҷикистону Қирғизистон хабарҳоро аз расонаҳо мегирифтаанд. Ба ин хулоса коршиносони Академияи пойгоҳи хабарии “Мавҷи Олмон” дар пайи як таҳқиқот расидаанд.

Ин пажуҳиш ба манзури беҳбуди пӯшиши хабарии минтақаҳои марзии ду кишвар анҷом шудааст. 40 дарсад (108 нафар)-и сокинони манотиқи бо Қирғизистон ҳамсарҳади Тоҷикистон, ки дар назарсанҷӣ ширкат кардаанд, посух додаанд, ки хабарҳои марбут ба марзро аксаран аз расонаҳо дарёфт мекунанд.

27 дарсад (75 н) изҳор доштаанд, манбаи хабарии онҳо хешону наздиконашон аст. Танҳо 21 шаҳрванди Тоҷикистон гуфтааст, хабарҳо дар робита ба марзро аз намояндагони ҳукумат, бо шумули марзбонон мешунаванд. Муаллифони таҳқиқот ба ин натиҷа расидаанд, ки 25 дарсади назардодаҳо иттиллоъ оид ба марзро аз ҷойҳои ҷамъиятӣ мегиранд.

Тибқи ин таҳқиқот бештари мардум аз миёни расонаҳо бештар телевизионро тамошо мекунанд. Бештари пурсидашудаҳо гуфтаанд, телевизионҳои “ТВТ” (20.8%), “Сафина” (8.9%) ва “Чаҳоннамо” (5.9%) дар расонидани хабарҳои марзӣ пешгоманд.

Дар ҷойи дуввум нашрияҳо, сеюм интернет ва камтаринашон радио гӯш мекардаанд. Аммо бар асоси ин таҳқиқот мардум ин назарро ҳам доштаанд, ки расонаҳои чопии давлатии Тоҷикистон дар кори худ мустақил нестанд ва аз ин хотир 65 дарсади назардодаҳо изҳор доштаанд, ба расонаҳои хусусӣ муроҷиат мекунанд. Дар ин миён 59,3% гуфтаанд ба расонаҳо ба ҳайси манбаи хабар бовар доранд. Аммо, 22,5% ба хешу наздикон, 8,7% ба намояндагони ҳукумат ва 3,8% ба аҳолии бумӣ ҳамчун манбаи хабар боварӣ доштааст.

Мӯҳр

Хабарҳои монанд:

Маъруфчон

Ин чӣ таҳқиқот, ин чӣ хабари нодруст ??? Инро ки гузарондаст кай дар кучо ????
Охир, ТВТ, Сафина "Ҷаҳоннамо" умуман тамоми телевизионхои Точикистон дар бораи ҳодисаҳои сарҳад ягон бор чизе нишон намедҳанду як калима ҳам гап намезананд. Макомот ичозат намедиханд.
Дар сархад тирпаррони шахрвандони точикро чанд бор паррониданд лекин ягон телевизиони Точикистлон нишон надод ????!!!!
Ин пажуҳиш дуруг, дар кабинет нишаста навишта шудааст ягон кас назди сокинони сарҳад нарафтааст....
Чи даркор хамин хел "таҳқиқот" ҳои дуругин ????

Ҷавоб диҳед Иқтибос Шикоят

Эзоҳ илова кунед