23 апр 2016 10:51Тоҷикистон / Иқтисодӣ

Баҳси интиқоли маводи сӯхти Покистон ба Тоҷикистон

Рӯзномаи “The Nation”-и Покистон аз баҳси содироти маводи сӯхт миёни ниҳодҳои ин кишвар ба Тоҷикистон хабар додааст.

Ба иттилои ин нашрия, Тоҷикисон аз ширкати “Нафти давлатии Покистон” дархости содироти 100 ҳазор тона солярка кардааст, аммо ба назар мерасад Вазорати тиҷорат ва Дафтари федеролии даромад монеи ин иқдом шудаанд.

“The Nation” бо такя ба манобеи худ навиштааст: “Вазорати тиҷорат гуфтааст, “Ширкати давлатии нафт” барои содироти солярка бояд иҷозатнома дошта бошад. Ин дар ҳолест, ки Вазорати нафт ва захираҳои табиӣ” қаблан аз Дафтари федеролии даромад дар мавриди рӯшан сохтани масоили андоз ва дигар масоили интиқоли нафт дархост фиристод, вале бо гузашти ду моҳ ҳанӯз мунтазири ҷавоб мондааст”.

Манбаи ин нашрия гуфтааст, тавсияи Вазорати тиҷорат дар мавриди иҷозатнома барои содир кардани нафт ба Тоҷикистон коромад нест. Зеро дар ин маврид арзиши маводи сӯхт боло меравад ва Душанбе онро намехарад: “Агар ширкати “Нафти давлатии Покистон” соляркаро ворид кунаду андоз пардозад ва баъдан онро ба Тоҷикисон содир кунад, табиист раванд ба дарозо мекашаду нархи маҳсулот гарон мешавад”.

“The Nation” масрафи нафту газро дар Тоҷикистон аз 2,5 то 3 миллион литр дар як рӯз ҳисоб карда, таъкид кардааст, баъди бартараф шудани таҳримҳои Эрон ин кишвар ҳам ба содироти маводи сӯхтро ба Тоҷикистон шурӯъ кардааст.

Қаблан ниҳодҳои тиҷоратии Эрон дар пайи лағви таҳримҳо аз интиқоли 2.9 миллион литр сӯзишвории дизелӣ ба Тоҷикистон хабар дода буданд. Муҳаммади Қароӣ, мудири ширкати миллии пахши фаровардаҳои нафтии минтақаи Хуросони Разавӣ гуфта буд, ин нахустин бор аст, ки Эрон ба Тоҷикистон сӯзишвории дизелӣ мунтақил мекунад. Ширкатҳои нафтии Эрон Тоҷикистонро “як бозори билқувва” барои содироти сӯзишвории дизелӣ ва фаровардаҳои нафтӣ медонанд.

Мӯҳр

Хабарҳои монанд:

кишоварз хатлон

Чаро МО мардум худро гуломи хукумати русхо мекунему ,бо хукуматхои хам динну хамзабон мутахид намешавем,аз тачрубаи аврупову амрико хулоса барорем мутахидии онхо аст ки онхо то чанд Тараки Карда истодаанд, русияи посредник дар ягон давру замон намехохад ки мардуми осиеи маркази хушбахтона зиндаги кунад.

Ҷавоб диҳед Иқтибос Шикоят

nabi farhor

Хамаи мо медонем,ки газу нафти Руссия мачбуран ба Точикистон ирсол мегардад.Шумо бинед,ки як барел нафт 100-107$ буд дар Точикистон бензин 5-5,5с.Хозир як барел нафт аз 27$-то 44$ поин рафто то хол бензин 5,5с.Агар нафт аз Эрон ворид гардад мумкин бензин арзонтар фурухта шавад.

Ҷавоб диҳед Иқтибос Шикоят

Муҳаммад

Цитата: кишоварз хатлон

кишоварз хатлон

бале бародар ҳақиқатро гуфти

Ҷавоб диҳед Иқтибос Шикоят

Беизор

Беизор ба бекурта ҷома мепушонидааст!
Покистон худашон ҳама сузишвориешон импорт аст. Аз куҷо ба мо экспорт мекардааст?
Боз яке популизмои сиёсии Ҳукумати Навоз Шариф.
Беҳтараш мо бо Эрон муносибатҳоро хубтар кунем ва бозичаи сиёсатои популистии покистону Авғонистон нашавем.

Ҷавоб диҳед Иқтибос Шикоят

наим ализода

дар точикистон хазорхо тона нафт дар систернахо хобрафтаасту аз дигар чоин нафтро харидори мекунем аиб аст

Ҷавоб диҳед Иқтибос Шикоят

Эзоҳ илова кунед