Назарбоев: Амрикоиҳо Тоҷикистонро аз Афғонистон фарқ намекунанд, аммо...
Нурсултон Назарбоев, раисиҷумҳури Қазоқистон хостори тағйирот дар низоми маориф, аз ҷумла роҳандозии низоми 5-рӯзаи таълим дар кишвараш шудааст.
Назарбоев имрӯз, 26 апрел зимни ҷаласаи XXIV-уми Ассамблеяи халқии Қазоқистон дар Остона таъкид кардааст, ки навгониҳо дар низоми маориф, аз ҷумла роҳандозии низоми 5 рӯзаи таълим дар баррасии мардум гузошта шавад.
Раисиҷумҳури Қазоқистон аз ҷумла пешниҳод кардааст, ки имкон дорад, рӯзҳои таълим аз ҳисоби якҷо кардани чанд фан кам карда шаванд. Ӯ суол гузоштааст, ки имкон дорад, забон ва адабиёти қазоқ як фан карда шаванд? Забон ва адабиёти рус низ. Таърих ва ҷуғрофия?”
Назарбоев аз сарбории зиёди кӯдакон дар низоми таълими кишвараш суҳбат карда, афзудааст, ки чунин сарборӣ дар ягон кишвари ҷаҳон нест: “Мо баъзан амрикоиҳоро танқид мекунем, ки Тоҷикистонро аз Афғонистон фарқ намекунанд. Воқеан чунин аст, онҳо инро давоми ҳаёташон мефаҳманд. Он ҷо таълим медиҳанд, ки чӣ гуна зиндагӣ кардан даркор, чӣ гуна донишҳоро дар ҳаёт бояд татбиқ кард ва чӣ тавр дар зиндагӣ бояд ба по хест... Аммо кӯдакони бечораи мо аз субҳ то шом рӯзи равшанро намебинанд”.
Ӯ пешниҳод намудаст, ки ин масоил бо мардум баррасӣ карда шаванд ва таъкид намудааст, ки навгониҳо бояд барои беҳбуди низоми маорифи кишвараш хизмат кунанд, чун ин масъалаи ояндаи кӯдакон, ояндаи кишвар аст: "Таҷрибаҳои ноозмуда дар таълими кӯдакон набояд роҳ дода шаванд".
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |