Ҳукумати ИМА: Давлатдорони тоҷик аз барномаҳои дуздӣ кор мебаранд
Ҳукумати Амрико бо нашри гузориши махсуси 301-“Special 301 Report 2016”, ки ҳамасола вазъи риояи ҳуқуқи моликияти зеҳниро дар кишварҳои ҷаҳон таҳлил мекунад, Тоҷикистонро аз феҳрасти кишварҳои “махсус нигаронкунанда”- “Watch List in 2016” хориҷ намудаст.
Гузоришгарони амрикоӣ далели хориҷ намудани Тоҷикистон аз феҳрасти кишварҳои махсус нигаронкунандаро, ба талоши мақомоти тоҷик барои таъмини фазои мусоиди ҳифзи ҳуқуқи моликияти зеҳнӣ рабт медиҳанд. Аз ҷумла ба гуфтаи гузоришгарон, Тоҷикистон бо қонунгузории худ тағйирот ворид намуда, чанд созишномаҳои байналмилалӣ дар соҳаи ҳифзи ҳуқуқи моликияти зеҳниро ба тасвиб расондааст.
Дар баробари ин гузоришгарони амрикоӣ таъкид мекунанд, ки аксари ниҳодҳои давлатии Тоҷикистон аз таъминоти барномавии ғайрирасмӣ, ё худ барномаҳои “дуздӣ”-и компютерӣ истифода мебаранд. Дар гузориш тавсия дода шудааст, ки Тоҷикистон бояд дар ниҳодҳои давлатияш истифодаи барномаҳои иҷозатномадори компютериро роҳандозӣ кунад, то барои корбарони дигари кишвар ибрат шавад. Ҳукумати Амрико зарур хондааст, ки барои риояи ҳуқуқи моликияти зеҳнӣ дар ниҳодҳои давлатии Тоҷикистон дар сатҳи раҳбари ҳукумат дастуре содир шавад, то мавқеи Тоҷикистон дар феҳрасти махсуси 301 бозбинӣ нашавад.
Гузориши махсуси 301 ҳамасола аз ҷониби бахши тиҷоратии ҳукумати ИМА таҳия шуда, дар он сатҳи риояи ҳуқуқҳои моликияти зеҳнӣ, аз ҷумла ҳуқуқи муаллифӣ, тамғаи молӣ, патент ва ғайра баҳогузорӣ мешавад. Тибқи қонунгузории Амрико нисбати кишварҳое, ки риояи ҳуқуқи моликияти зеҳнӣ дар онҳо махсусан нигаронкунанда мебошад, эҳтимоли роҳандозии таҳримот вуҷуд дорад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |