12 май 2016 15:03Тоҷикистон / Сиёсат / Рӯ ба рӯ / Тема дня

Пешниҳод аз Хоруғ: Дар мактабҳо фанни “Таърихи Ваҳдати миллӣ” роҳандозӣ шавад

Ҷонибеки Қозибеқ, муовини аввали раиси Кумитаи иҷроияи Ҳаракати Ваҳдати миллӣ ва эҳёи Тоҷикистон дар ВМКБ пешниҳод кард, ки дар мактабҳои миёнаи кишвар фанни “Таърихи ба даст овардани Ваҳдати миллӣ” роҳандозӣ шавад.

Оқои Қозибек имрӯз, 12 май зимни конфронси ҷумҳуриявӣ дар мавзӯи “Нақши ВАО дар ба даст овардани Ваҳдати миллӣ” дар шаҳри Хоруғ изҳор дошт, бархе ҷавонон ва насли наврас аз таърихи Ваҳдати миллӣ иттилои кофӣ надоранд. Ӯ гуфт, барои пур кардани холигие, ки феълан миёни ҷавонон дар мавриди Ваҳдати миллӣ вуҷуд дорад, бояд дар макотиб фанни нав бо номи “Таърихи ба даст овардани Ваҳдати миллӣ” роҳандозӣ шавад: “Вақте ин фан ба барномаҳои таълимӣ ворид мешавад, насли наврас бештар огоҳӣ пайдо мекунад”.

Дар ҳамин ҳол, Саидҷаъфари Ашӯрзод, раҳбари радиои “Ховар” пешниҳод кард, фанни нав дар бораи Ваҳдат дар Академияи ВАО таълим дода шавад. Шодихони Назар, хабарнигори нашрияи “Ҷавонони Тоҷикистон” бошад, таълими ин фанро дар факултаи журналистикаи Донишгоҳи миллӣ зарур хонд.

Худойбердӣ Холиқназар, раиси Маркази тадқиқоти стратегии назди Президенти Тоҷикистон ин пешниҳодҳоро қобили қабул гуфта, афзуд, дар факултаи муносибатҳои байналмилалии донишгоҳ дар масъалаи Ваҳдати миллӣ дарси махсус медиҳад. Ӯ илова кард, агар мудирияти факултаи журналистика муроҷиат кунад, дарси Ваҳдати миллиро дар ин факулта низ роҳандозӣ хоҳанд кард.

Мӯҳр

Хабарҳои монанд:

Афандӣ

Сулҳкардагиҳо мурданд, боқимондаша ҳукми абад диҳеду дарси "Ваҳдат" ташкил кунед.

Ҷавоб диҳед Иқтибос Шикоят

НАРГИС

Бадахшон чойи покон аст ва чунин пешниходоти сулхомез низ дар ин даргохи бузург ироа шуданд. Мо метавонем

Ҷавоб диҳед Иқтибос Шикоят

Muhojir

Hamchun fann? Sari honandaya bo in "fanhoi" nolozim pur kardan, gunoh nazdi nasli javon ast! In mavzuro metavon dar soathoi fakultativi barrasi kard,tamom. Dar Amerika meguyand barhe namedonand prezident kistu chi nom dorad.Ba honanda az zindagi boyad guft , rohi durusti tijoratu korchaloniro boyad omuzond, zaboni puljonro omuzond ,mardiyu notarsiro omuzond, na shashsparastiro. In fanni shumo megufta az sahifai avvalash to ohirash arjguzori ba janobaton. Yagon fikri bikr pajdo kuned to az kashokiyu jumshudi raho shavem.

Ҷавоб диҳед Иқтибос Шикоят

Султонби

Хуб мешуд ба чойи дарси Таърихи вахдати милли, дарси Таърихи точикони навин - ро чори мекардед ин бехтар мешуд ва ин дарс бар асоси фактхо ва вокеахои хакики бурда мешуд, бидуни таърифу тавсиф.

Ҷавоб диҳед Иқтибос Шикоят

Зогибек

"Ӯ гуфт, барои пур кардани холигие, ки феълан миёни ҷавонон дар мавриди Ваҳдати миллӣ вуҷуд дорад".
Ин холигиро бо чои кор , аз байн бурдани махалгарои, таъмини баробари ва адолат дар чомеа бояд пур кард!!!!!!!!!!!!!

Ҷавоб диҳед Иқтибос Шикоят

Эзоҳ илова кунед