Бахшҳо

Бабченко: Барои тоҷиконе, ки роҳзанҳои мусаллаҳро пас гардонданд, қарсак мезанам

Аркадий Бабченко, блогнавис ва рӯзноманигори маъруфи Русия, муноқишаи маргбори қабристони Хаканскоеро муқовимати коргарон бо авбошон унвон карда, изҳор доштааст, барои тоҷиконе, ки бо бел алайҳи роҳзанҳои мусаллаҳ бархостаанд, рост истода қарсак мезанад.

Бабченко 15 май бо нашри як матлаб изҳор доштааст, ки муноқиша дар қабристони Хоканское дар заминаи мансубияти миллӣ рух надодааст: “Бинобар ин шӯхиҳо, ки “тоҷикону чеченҳо ҷанг доранд, ки кӣ русҳоро мегӯронад”, чандон бамаврид нестанд. Росташро гӯем, ин ҷо коргарони муассисаи давлатӣ бо бел алайҳи роҳзанҳое бархостаанд, ки бо автомат барои ғораташон омадаанд. Ман истода қарсак мезанам. Офарин! Кош ҳама вақт чунин шавад”.

Бабченко дар идома хабари Вазорати умури дохилии Русия, ки қазияро “муноқишаи гуруҳҳои қавмӣ барои таҳти назорат гирифтани гӯристон” унвон кардааст, хандаовар хондааст: “Ҳайратовар аст, зиёда аз ин мехоҳам бидонам, ки “среднеазиат-осиёимиёнаӣ” чӣ гуна миллат аст? Вазорати корҳои дохилӣ боз рӯирост дурӯғ мегӯяд, то ноуҳдабароияшро, ки натавонистааст, ҷанги Куликов бо автоматҳоро дар маркази Маскав пешгирӣ кунад, рӯйпӯш созад”.

Муаллифи матлаб аз мақомдорони аршади идораҳои интизомии Русия - Колоколсев, Золотов ва Бортников суол кардааст, ки “агар ин муониқишаи қавмӣ аст, чӣ гуна гуруҳи нимҳазорнафарии зодагони Осиёи Миёна тавонистаанд то ҳол идораи давлатиро таҳти назорат гиранду мақомдорон то ин вақт куҷо буданду барои баргардондани вазъ ба маҷрои қонунӣ чӣ кор карданд?”

Аркадий Бабченко бори дигар таъкид кардааст, ки ин даргирии қавмӣ нест, балки коргарон худро аз ҳамлаи авбошон дифоъ кардаанд: “Аз ҳамлае, ки гвардияи миллӣ, “ОМОН” ва танки “Армат” натавонистаст коргаронро ҳимоят кунад”.

Журналисти рус таъкид кардааст, ки қонунӣ бояд пулис онҳоеро боздошт кунад, ки бо 12 мошин ба коргарони қабристон ҳамла кардаанд: “Аммо дар воқеъ дастамро ба буридан медиҳам, ки аксари боздоштшудагон тоҷикони бадбахти гӯркан мебошанд. Онҳое, ки тавонистанд худро аз ҳуҷуми авбошон дифоъ кунанд, коре, ки бояд “ОМОН” иҷро мекард. Барои ҳамин онҳоро акнун дастгир, дар идораи пулис латукӯб ва баъдан ихроҷ мекунанд. Бархеяшон шояд ҳатто зиндонӣ шаванд”.

Ба гуфтаи Бабченко дар ҳар кишвари дигар, ин афроде, ки ҳамлаи роҳзанҳоро пас гардондаанд, ҷоиза мегирифтанд ва бо пул қадрдонӣ мешуданд: “Аммо, инҷо Русия аст. Инҷо онҳо зиндонӣ мешаванд. Ман шахсан, ба ҳайси як шаҳрванд пешниҳод мекунам, ки пулисҳои ноуҳдабаро аз вазифа сабукдӯш шаванду ба ҷояшон ҳамин тоҷикҳо қабул гарданд, ки аз уҳдаи кор мебароянд”.

Ӯ дар хулосаи матлабаш аз бозгашти солҳои 90-ум ба кӯчаҳои Русия ҳушдор дода, барои ҷилавгирӣ аз он, ислоҳот дар фаъолияти худи мақомдорони кишваррро зарур хондааст.
Мӯҳр
Ахмад
Мардуми точик агар иттифок шаванд , ягон душман уро шикаст дода наметавонад. Чеченхо каманд , лекин шагол барин бисери ба точикон хамла кардаанд. Чеченхо дар давраи Шурави векте,ки мо дар артиши шурави хизмат мекардем факат ва факат аз точикхо тарс доштанд. Ман хусусан чанд чеченро дар мунокишахои хамдигари доим маглуб мекардам. Мо точиконро худамон дар ватанамон тарсончак кардаем.

Адвакат
Чумлаи охиринат маьнои хуб дорад

мусофир
бале рост меги ин айби хукумат ба чои кор намедиханд бо ишгол мекунанд

Браво мой народ! Тебе честь и похвала, что не дашь себя в обиду!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)