18 май 2016 14:45Тоҷикистон / Иҷтимоӣ

Замини наздиҳавлигӣ ба зарардидаҳои сели Панҷакент

Ҳукумати шаҳри Панҷакент ба хонаводаҳое, ки дар пайи борону сели рӯзҳои 9, 10 ва 11 май хисороти зиёд дидаанд, барои сохтмони манзил замин ҷудо кардааст.

Маҳмадсодир Сафаров, муовини аввали раиси шаҳри Панҷакент имрӯз, 18 май ба “Озодагон” гуфт, тақсимоти замин дар ҳудуди шаҳр, ҷамоати деҳоти Халифа Ҳасан, Шӯрча ва деҳаҳои дигари зарардида ҷараён дорад. Ба иттилои манбаъ, сохтмони манзилҳои зист аз ҷониби вилоят ва мақомоти иҷроияи ҳокимияти давлатии шаҳри Панҷакент сурат мегирад: “Мутахассисони Идораи сохтмони асосии вилоят ҳоло дар ҷойи воқеъа қарор дошта, корҳои лоиҳакашии манзилҳои истиқоматиро ба оилаҳои зарардида оғоз намуданд”.

Ҷаноби Сафаров мегӯяд, сокинони аз офати табиӣ зарардидаи деҳаи Дашти Қозӣ, Шӯрча ва дигар деҳоти Панчакент ба мавзеъҳои бехавф, меҳмонхона ва манзилҳои шахсӣ кӯчонида шуда, бо хӯрока ва маводи аввалияи рӯзгор таъминанд.

Рӯзҳои 9, 10 ва 11 дар пайи бориши зиёди борон ва омадани сел дар шаҳри Панҷакент даҳҳо манзил пурра ва қисман зарар диданд. Масъулини ҳолатҳои фавқулоддаи вилояти Суғд хисороти расида аз ин офати табииро 34 миллион сомонӣ арзёбӣ кардааст.

Мӯҳр

Хабарҳои монанд:

Шахрванд

Мухтарам Сафаров тибки дастуру супоришхои Асосгузори сулху вахдат пешвои миллат президенти Чумхурии Точикистон мухтарам Эмомали Рахмон ва Карори Хукумати ЧТ ба сокинони тамоми манотики Точикистон замини наздихавлиги чудо гардида таксимоти он идома дорад. Аммо бо сабабхои номаълум ба сокинони дехаи Варзикандаи чамоати дехоти Лоик Шерали чудо нагардидааст. Варзиканда дар нохияи Панчакент шояд ягона дехае бошад,ки аз чашми макомот дур афтодааст. Анзурат Аезова раиси собики чамоат оиди ин масъала ягон кушиш накард. Ин масъаларо чидди бинед набошад ба чаноби оли арз мекунем.

Ҷавоб диҳед Иқтибос Шикоят

Aмин

Дехаи шахринавро сел зер кард аз амаки Камар Азизмуродов ягон дараке нест

Ҷавоб диҳед Иқтибос Шикоят

Сиддик

Манзили моро вокеъ дар дехаи Гусар сел зер кард ягон масъули чамоат хабаргири наомад. Офарин ба раиси шахр кумак карданд. Ин рохбарои чамоати Лоикро иваз кунед

Ҷавоб диҳед Иқтибос Шикоят

Шоира

Ба Сиддик Ба умеди рохбарияти чамоат нашаву буттая махкам дор

Ҷавоб диҳед Иқтибос Шикоят

Эзоҳ илова кунед