20 май 2016 12:02Тоҷикистон / Сиёсат / Дидгоҳи хос / Муҳоҷир

ВАО: Ҳамлагарон ба муҳоҷирони тоҷик дар Хованское варзишгарон будаанд

Тафтишот маълум карда, ки нафарони калидӣ дар занозании маргбори қабристони Хованскоеи Маскав самбочиён будаанд.

Нашрияи “Новая газета” менависад, миёни муттаҳамон дар ҳамла ба муҳоҷирони тоҷик, ки дар боздоштгоҳи муваққатӣ нигаҳдорӣ мешаванд, Сергей Козлови 22-сола, қаҳрамони Маскав оид ба самбо ва ду варзишгари дигар -- Вячеслав Серови 22-сола ва Борис Рудакови 25-сола низ ҳастанд. Дар ин миён Никита Мошенко, яке аз намоёнтарин гумонбарони ҳуҷум ба Шаҳрвандони Тоҷикистон ба шумор меравад.

Ба навиштаи расонаҳо, ӯ дорандаи медали биринҷии Ҷоми ҷаҳонӣ оид ба самбо дар солҳои 2014 ва 2015 буда, солҳои 2012 ва 2013 аз рӯи ин намуди варзиш қаҳрамони Русия шудааст. Ин варзишгарон аъзои ташкилоти “Миллати солим” ҳастанд.

Нашрия навиштааст, дар торнамои ин ташкилот ба як табрикномаи дастрасӣ ёфтааст, ки он ҷо Никита Мошенкоро қадрдонӣ кардаанд. Дар он табрикнома омадааст: “Никита Мошенко, узви “Миллати солим”-ро ба хотири гирифтани ҷойи 2-юм дар мусобиқаи шаҳри Минск ва соҳиб шудан ба унвони устоди варзиш дар намуди самбо табрик мекунем”.

Номи пурраси ин созмон “Миллати солим-шӯъбаи ҷавонони ташкилоти умумирусиягии ветеранҳои “Бародарии ҳарбӣ” мебошад.

Дар пайи ҳамлаи як гуруҳи мусаллаҳ ба муҳоҷирони меҳнатӣ дар қабристони Хованскоеи Маскав дар рӯзи 14 май 3 шаҳрванди Тоҷикистон кушта, даҳҳо нафари дигар маҷруҳ шуданд.

Мӯҳр

Хабарҳои монанд:

То ба кай ғарибем

то ба кай ғарибем то ба кай асирем "бас ҷафо бас ситам эй адолат дар ҷаҳон субҳи шоди намо"ин мисраҳои устод Айниро хонда об аз чашмонам мерезад.афсус мо халқе гаштем дар ба дар овораю сарсон наход мо бе соҳиб бошем чаро ҳоли ғарибони тоҷикро касе намепурсад ман ҳамчун шаҳрванд аз ҳукумати ҷумҳурии Тоҷикистон эҳтиромона хоҳиш мекунам дар қонун боби алоҳидае дар бораи "муҳоҷир" таъсис дода шавад то ба шаҳрвандони муҳоҷири мо дасти ёри дароз кунад.Умед аз даргаҳат дорам,Шукрона ба сӯи ту кунам.Хор гаштем дар ин ҷаҳон,Ё Аллоҳ мададам кун.Бечораву ғарибем,Сарсону саргардонем.Аз модару падар дурем,Ё Аллоҳ мададам кун.Гаштем муҳоҷир эй Худо,С Бо сахтиҳо санҷиди моро,Охир нагир ҷони мо,Ё Аллоҳ мададам кун.Ватан ҷудо меҳан ҷудо,Модару фарзанду зан ҷудо,Эй падарҷон бидеҳ ту дуо,То Аллоҳ мадат кунад моро.Ман гуфтугӯ камтар кунам,Бархезаму кори худ кунам.То ки гирам музд аз раис,Ин пулҳоро ба Тоҷикистон рои кунам. бисёр ғалатҳо дорам аммо ин шер нест балки марсия аст. мо муҳоҷиро аз белу каланд гирифтана дастомо аз қалам дур шудааст.Озодагон озодона ин дарди дили муҳоҷира чоп кун зеро мо ҳамеша дар фикри тинҷию амони тоҷикистони азиз ҳастем ва мо ба ин шукр мекунем.

Ҷавоб диҳед Иқтибос Шикоят

nabi farhor

Худо нигахдор бошад.Набоша бисёре аз миллатгароён,рушди мухочирони точики моро намехоханд.Дуо мекунам, ки Худованд дасти душманони точиконро кутох гардон,дигар аз дасти мо чизе намеояд.

Ҷавоб диҳед Иқтибос Шикоят

Muhojir

nabi farhor,
Baroi chi ,az dasti mo chize nameoyad"? Charo bechoraholi mekuni? Az dasti mo hama kor meoyad, mo karib 9 mln. aholiem , ba sangparto sang zadan darkoru ba lagadzan lagat boyad zad.Bas baroi yak burida noni rus tamomi dashnomu tahkirro tahamul kardan.Ba tojikoni tarsu nafrati kas meoyad.

Ҷавоб диҳед Иқтибос Шикоят

чими

Офарин ба ин мухочирони точик дар таърихи Точикистони сохибистиклол бори нахуст аз точик будани ин миллат дифоъ карданд, дар мавриде ки тули ин 25 сол хукумати ин корро накарда буд. боре хам нашудааст, ки то ин вакт мо аксуламале бар зидди ноадолатихо нисбати миллатамон карда бошем. ба нафароне ки курбон шудан кахрамони миллии точик дода шавад (на Точикистон)

Ҷавоб диҳед Иқтибос Шикоят

Эзоҳ илова кунед