Ё муҳоҷират ё ман: Шарти зан ба шавҳар ва маслиҳати Шӯрои уламо
Шӯрои уламои Тоҷикистон ба як марди тоҷик, ки нияти муҳоҷираташ аз ночорӣ боиси норозигии ҳамсараш шудааст, посух додааст, ки муҳоҷирати меҳнатӣ мушкилии ҳамаи кишварҳост.
Як корбари сомонаи Шӯрои уламо, ки худро Усмон муаррифӣ кардааст, изҳор доштааст, ки қабл аз хонадоршавӣ ба ҳамсари ояндааш гуфт, нияти муҳоҷирати меҳнатиро надорад: “Ҳамсарам пеш аз тӯй гуфта буд, шавҳаре, ки Русия меравад барояш лозим нест. Ман, ки нияти ба Русия рафтан надоштам, гуфтам намеравам. Аз тӯй 2 сол гузашт, имрӯзҳо ман барои беҳбудии зиндагӣ мехоҳам ба Русия равам. Ҳамсарам мегӯяд агар равӣ ҷудо мешавем. Лутфан бигӯед, агар ҷудо шавем, ман гунаҳкорам ё вай, бигӯед чӣ кор кунам?”
Дар посух Шӯрои уламо изҳор доштааст, ки аз ҷудо шудани як хонаводаи мусалмон, ғайр аз шайтон касе хурсанд намешавад: “Ин хоҳар бидонад, ки муҳоҷирати меҳнатӣ мушкилии ҳамаи кишварҳост”.
Ин ниҳод бо зикри ноилоҷӣ муҳоҷирати Усмонро иҷоза додааст ва таъкид кардааст: “Фақат ҳуқуқи ҳамсардориро фаромӯш накунед. Монанди баъзеҳо, ки солҳо он ҷо мемонанд. Ба як маслиҳат биёед. Фикри ҷудоӣ накунед, зеро аз ҷудо шудани як хонаводаи мусулмон ғайр аз шайтон касе хурсанд намшавад. Хайру баракат дар зиндагӣ бо ҳамсар аст, на дар ҷудогию танҳоӣ”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |