Ваъдаи Колоколтсев ба Э.Раҳмон: Гунаҳкорони қазияи “Хованское”-ро ҷазо медиҳем...(ВИДЕО)
Владимир Колоколтсев, вазири умури дохилии Русия имрӯз, 24-уми май дар пайи мулоқоташ бо Эмомалӣ Раҳмон, раисиҷумҳури Тоҷикистон гуфт, таҳқиқи қазияи “Хованское” зери назорати шахсияш ҳаст ва ҳамаи гунаҳкорон муҷозот хоҳанд шуд.
Колоколтсев дар пайи анҷоми мулоқот бо Эмомалӣ Раҳмон ба рӯзноманигорон гуфт, “ман раисиҷумҳурро муътақид сохтам, ки ягон ҷинояткор, сарфи назар аз минтақаю миллаташ беҷазо нахоҳад монд. Ҳама мувофиқи амалашон посух хоҳанд дод”. Вазири умури дохилии Русия таъкид намуд, ки ҷинояткорӣ миллат надорад.
ВИДЕОИ изҳороти Колоколтсев баъди мулоқот бо Президенти Тоҷикистон
Эмомалӣ Раҳмон, субҳи имрӯз, 24-уми май дар мулоқот бо Владимир Колоколтсев, вазири умури дохилии Русия аз қатлу маҷруҳсозии муҳоҷирони меҳнатии тоҷик дар қабристони “Хованское” изҳори нигаронӣ карда буд.
Тибқи иттилои дафтари матбуоти раисиҷумҳури Тоҷикистон Эмомалӣ Раҳмон қазияи “Хованское”-ро ҳамлаи гурӯҳи ҷиноятӣ ба муҳоҷирони меҳнатии тоҷик унвон кардааст, ки дар натиҷа 3 шаҳрванди Тоҷикистон кушта шуда, даҳҳо нафари дигар ҷароҳатҳои гуногун бардоштанд: “Сарвари давлати Тоҷикистон таъкидан даъват ба амал оварданд, ки ҷиҳати ба ҷавобгарӣ кашидани ташкилкунандагон ва гунаҳгорони аслии ин латукӯби оммавии шаҳрвандони Тоҷикистон тамоми чораҳои зарурӣ андешида шаванд”.
Инчунин Эмомалӣ Раҳмон аз қарорҳои ахири Ҳукумати Русия барои ислоҳоти мақомоти ҳифзи ҳуқуқи кишвар зикр кардааст, ки бар асоси онҳо Хадамоти федералии муҳоҷират (ФМС) лағв шудааст. Ба иттилои дафтари матбуоти раисиҷумҳури Тоҷикистон аз ҷумла ба сохтори вазорати корҳои дохилӣ ворид намудани хадамоти муҳоҷират ва дигар масъалаҳои муҳоҷирати меҳнатӣ таваҷҷӯҳи хосса зоҳир гардид.
Раҳбари Тоҷикистон дар пасманзари ин тағйирот таъкид ба татбиқи пайгиронаи тавофуқоте кардааст, ки то ҳол барои таҳкими ҳифзи ҳуқуқиву иҷтимоии муҳоҷирони меҳнатии Тоҷикистон дар Русия ҳосил шудаанд.
Дар маҷмуъ Эмомалӣ Раҳмон аз фаъолияти муштарак бо Русия барои пешгирӣ кардану ошкор намудани ҷиноятҳо, мубориза алайҳи терроризм, ифротгароӣ, гардиши ғайриқонунии маводи мухаддир ва дигар намудҳои ҷиноятҳои муташаккили фаромиллӣ тавсиф карда, хостори ҳамкориҳои бештари мақомоти умури дохилии ду кишвар шудааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |