24 май 2016 12:41Тоҷикистон / Сиёсат
Убайдуллоев: Милисаҳои гунаҳкор дар қазияи “Ҳолӣ” муҷозот мешаванд
Тибқи иттилои манобеи “Озодагон”, Убайдуллоев зимни ҷаласа ба Гулнора Амиршоева, вакили халқии шаҳри Душанбе изҳори миннатдорӣ кардааст, ки бетараф набуд ва қазияро ба шаҳрдорӣ ва раҳбарияти Вазорати умури дохилӣ расонд.
Раиси Душанбе изҳор доштааст, ки дар пайи огоҳӣ аз қазия бо Рамазон Раҳимзода, вазири умури дохилии Тоҷикистон дар тамос шуд ва қарор карданд, милисаҳое, ки дар ин қазия даст доштанд, ба ҷавобгарӣ кашида шаванд: “Миллисаҳои гунаҳкор ҳатман ёфт ва муҷозот мешаванд”.
Ба таъкиди Убайдуллоев, ҷомеаи мо бояд бо қонунҳо танзим шавад ва касе набояд дар ҳалли масоили марбут ба шаҳру сокинонаш бетараф бошад.
Дахолати Убайдуллоев дар ҳолест, ки 15 май бархе аз ҷавонону наврасони тоҷик баъди таҷлили ҷашни Ҳолӣ дар варзишгоҳи “Спартак” дар роҳ ба хона боздошт шуда, дар идораи милисаи ноҳияи Исмоили Сомонӣ мавриди латтукӯб ва таҳқир қарор гирифтаанд. Ахиран, дар шабакаҳои иҷтимоӣ як навори аудиоии 16 дақиқаӣ нашр шуд, ки ба иттилои ноширонаш дар он лаҳзаи латту кӯб ва дашномдиҳии иштирокдорони ҷашни Ҳолӣ дар идораи милисаи ноҳияи Исмоили Сомонӣ сабт шудааст.
Намояндагони Эътилофи созмонҳои зидди шиканҷа дар пайи омӯзиши ин навор изҳор доштанд, ки маъмурини милиса тайи 16 дақиқаи сабт беш 25 бор боздоштшудаҳоро зада, дар навор садои 7 маъмур шунида мешавад.
Ин дар ҳолест, ки баргузоркунандаҳои ҷашни Ҳолӣ дар Душанбе ба "Озодагон" изҳор доштанд, ки ин ҷашнро дар мувофиқа бо мақомоти корҳои дохилӣ дар варзишгоҳи “Спартак”-и Вазорати корҳои дохилӣ гузарондаанд. Мусоҳиби “Озодагон” гуфт, бархе аз ҷавонон, аз ҷумла ноболиғон танҳо барои он боздошт шудаанд, ки баъди ҷашни Ҳолӣ бо дасту рӯи ношуста ба хонаҳояшон раҳсипор шудаанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
