Дастури Президент барои навоварӣ дар имтиҳонҳои қабули Маркази тестӣ
Маркази миллии тестии Тоҷикистон эълон кард, ки аз соли 2018 ба низоми марказонидашудаи қабули муҳассилин ба макотиби таҳсилоти миёна ва олии касбии ҷумҳурӣ кори хаттӣ ворид мешавад.
Тавре аз ин ниҳод ба “Озодагон” иттилоъ доданд, навоварӣ ба низоми қабули довталабон бо дастури Эмомалӣ Раҳмон, раисиҷумҳури Тоҷикистон ворид мешавад. Ба иттилои манбаъ Эмомалӣ Раҳмон барои ворид намудани эссе – иншои мухтасар аз фанни забони тоҷикӣ ба низоми имтиҳонҳои дохилшавӣ, моҳи сентябри соли гузашта ҳангоми сафари корӣ ба шаҳри Кӯлоб супориш дода буд.
Маркази миллии тестии назди Президент мегӯяд, масъалаи татбиқи ин дастур ҳафтаи равон зимни як ҷаласаи ин ниҳод баррасӣ гардид: “Барои ҷорӣ намудани кори хаттӣ (иншои мухтасар) дар низоми имтиҳонҳои марказонидаи дохилшавӣ дар соли 2018, гуруҳи корӣ ташкил шуд, ки бояд фаъолияташро ҳаматарафа ба роҳ монда, барои омӯзгорону хонандагони муассисаҳои таҳсилоти миёнаи умумии кишвар дастурҳои методиро таҳия намояд”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |